Script Irmelin Wister fyller ei av dei viktige, men usynlege, rollene under ei filminnspeling.

«Filmskapar», seier vi, når vi meiner regissør. Likevel veit alle som har sett ein rulletekst, at ingen andre kunstartar er avhengig av så mange, ulike fagfunksjonar – ofte kryptisk titulerte som «gaffer», «grip» og altså «script». Når vi føler at ein film talar til oss med ei røyst, betyr det i realiteten at titals, eller hundretals, menneske har arbeidd godt saman.