Torsdag 21. januar 2016
UROLEG: Sp- nestleiar Anne Beathe Kristiansen Tvinnereim meiner Noreg bør setje ein fot i bakken og tenkje seg om før mange asyl- søkjarar blir retur­nert til Russland. Foto: Vegard Grøtt, NTB Scanpix
Sp-nestleiar Anne Beathe Tvinnereim fryktar konsekvensane av 37 minusgradar:
Ber om pause i returar
Rune Rafaelsen
UROA: Det var Sp som tok initiativ til asylforliket i Stortinget. No meiner nestleiaren at garantiane frå Listhaug ikkje held.

ASYLPOLITIKK

– Eg føler meg ikkje betrygga. Stortinget og det norske folk må få sjå dei vurderingane som er gjort i lovavdelinga i Justisdepartementet og i rettsavdelinga i Utanriksdepartementet, seier Anne Beathe Kristiansen Tvinnereim, nestleiar i Senterpartiet.

Ho er uroa for signala om at praktiseringa av stortings­fleirtalets politikk no tek ei heilt ny retning.

– Det er store bekymringar for om dette er innanfor folkeretten. Og mange, meg sjølv inkludert, er ikkje trygge etter å ha høyrt Listhaug svare i Stortinget tysdag kveld.

Det seier Tvinnereim trass i at Sp på Stortinget dagen før ikkje fann grunn til å kritisere innvandringsminister Sylvi Listhaug for svara ho gav i Stortinget.

I oktober tok Sp-leiar Trygve Slagsvold Vedum initiativ til eit nasjonalt forlik om innvandrings- og integreringspolitikken. Tvinnereim understrekar at ho stiller seg bak forliket, men er skeptisk til gjennomføringa.

– Dette er den store testen på om Noreg er ein humanistisk nasjon, seier Tvinnereim til Klassekampen.

Fakta

Asylinstruksen:

• I haust sykla over 5500 asylsøkjarar til Noreg frå Russland over Storskog. For å redusere talet på asylantar, la Justisdepartementet fram ein instruks i slutten av november, som er kritisert av FN og menneskerettsorganisasjonar.

• I Utlendingsdirektoratet er det uro knytt til instruksen, som mellom anna opnar for at asylsøknader frå personar som kjem til Noreg etter opphald i Russland, ikkje skal realitetshandsamast.

• Instruksen kjem etter hasteendringane i Utlendingslova som regjeringspartia med støtte frå Ap og Sp, fekk gjennom i Stortinget på under éi veke i fjor haust.

• I tillegg laga Stortingets seks største parti i november og desember to forlik om asyl- og integreringspolitikken.

• Asylforliket av 19. november blei i romjula følgt opp av regjeringa, som la fram eit høyringsframlegg med ein rekkje kontroversielle innstrammingar. Kjelde: NTB

Individuell vurdering

Sp har i mange år vore ein del av det stortingsfleirtalet som meiner asylpolitikken skal vere «streng, men rettferdig». Tvinnereim meiner mange av dagens asylsøkjarar kan returnerast, men at mange av dei bør få individuell handsaming av asylsøknaden sin.

– Det er ganske utenkjeleg å returnere store mengder folk over Storskog utan reell handsaming av asylsøknadene deira. Er det dette Listhaug vil? spør ho.

– Er det ikkje derfor regjeringa har fått instruksjonsmynde over Utlendingsnemnda, slik at ein ikkje treng realitetshandsame alle søknadene?

– Då er vi på ein slippery slope, svarer Tvinnereim.

– Gradestokken i Murmansk er på veg ned mot 40 minus. Er det ein grunn i seg sjølv til å vente med returar?

– Ja, eg synst det. Dette skjer for fort, vi kjenner oss ikkje trygge på regjeringas vurderingar. Og vi ventar framleis på kva regjeringa seier til vurderinga frå FNs høgkommissær for flyktningar, seier Tvinnereim.

Ho forstår at Stortinget må stole på regjeringa når den seier at folkeretten blir følgt, men at både politikarar og det norske folk med god grunn spør etter dokumentasjon og garantiar.

– Det norske folk, og slike som meg, må kunne spørje om regjeringa har gjort dei naudsynte vurderingane av folkeretten. Det er ikkje eit Noreg som eg kan vere kjent av når det blir satt så store spørjeteikn ved om folkeretten er følgt.

Hadde demonstrert

Også Aps ordførar i Sør-Varanger, Rune Rafaelsen, er uroa. Han sende onsdag eit brev til statsminister Erna Solberg (H), der han skriv om det som skjer på Storskog:

«Dette handler om å ivareta humanitære tradisjoner som Norge og vår kommune er kjent for », skriv han.

Han seier han er stolt over at ingen av kommunens innbyggjarar har protestert på asylleiren, men derimot planlegg demonstrasjon for ein meir human politikk. Og var han ikkje bortreist på det aktuelle tidspunktet, hadde han òg demonstrert.

– For meg var det naudsynt å seie ifrå, frå eit reint medmenneskeleg perspektiv. For eg er uroa, seier Rafaelsen om brevet til statsministeren.

– Eg liker ikkje det som skjer no. At vi sender flyktningar ut i kvite bussar i 40 minusgradar, seier han.

Etter det Klassekampen får opplyst, vil ikkje Ap på Stortinget protestere mot returen. Sjølv om enkelte gjev uttrykk for at dei misliker det som skjer eller måten det skjer på, er haldninga at oppfølginga av asylforliket er regjeringas ansvar.

politikk@klassekampen.no

Mandag 24. september 2018
NED: Kommersielle velferdsbedrifter i NHO kaster ut konsulenter. Fra 2017 til 2018 sank konsulentandelen i psykisk helsevern fra 38 til 22 prosent, viser NHOs egne tall.
Lørdag 22. september 2018
BØNN: – Jeg ligger våken om natta og ber for Inga Marte Thorkildsen, sier Åse Pedersen. Vi tok tempen på Thorkildsen-saken på et lærerværelse.
Fredag 21. september 2018
VOLD: – Dette er systemsvikt og et direkte resultat av norsk asylpolitikk. Disse guttene tåler ikke mer, sier Ine Johannessen, tidligere verge for den siktede i dobbeltdrapssaken i Trondheim.
Torsdag 20. september 2018
KRITISK: Varselet mot skolebyråd Inga Marte Thorkildsen kan ende med at varslerne får sparken, tror advokat Olav Lægreid. Han mener det er gjort flere feil i varslingen.
Onsdag 19. september 2018
SNUDDE: Etter «nærmere dialog med departementet» stokket forsvarssjefen om på innstillingen til ny sjef i Heimevernet. Dermed rykket Eirik Kristoffersen opp fra bunnen til toppen av lista.
Tirsdag 18. september 2018
MEGAPROSJEKT: Equinor søker Enova om 2,5 milliarder i støtte for å elektrifisere to oljefelt med havvind. Det tilsvarer hele Enovas støttepott i fjor.
Mandag 17. september 2018
HØVLAR: Kutt i sjukehusbudsjett skal spara millionar. No åtvarar både tillitsvalde og direktørar om at det går ut over pasientar og arbeidsvilkår.
Lørdag 15. september 2018
IVRIG: Statsministeren hyllet amerikanske soldater i forkant av norgeshistoriens største Nato-øvelse. Landet rundt forberedes motdemonstrasjonene.
Lørdag 15. september 2018
LOVBRUDD: Juss­professor Geir Ulfstein mener Norge brøt FN-mandatet for Libya-operasjonen.
Fredag 14. september 2018
BOMBER: 9. mai 2011 sa Jonas Gahr Støre til Stortinget at Gaddafi ikke var et mål for krigen. Omtrent samtidig deltok Norge i bombingen av diktatorens hovedkvarter.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk