RAUDGULT: Etter ein kort prat blei Arbeidarpartiet og Kristeleg Folkeparti i Bergen einige om å starta byrådsforhandlingar. KrF opnar for å sitta i byråd med SV.
Arbeidarpartiet har flørta med Kristeleg Folkeparti gjennom heile valkampen, og endeleg kunne Ap-sjef Harald Schjelderup fortelja at Ap og KrF er einige om å gå inn i forhandlingar med sikte på å danna byråd. Arbeidarpartiet hadde i ettermiddag samtalar med SV og Miljøpartiet Dei Grøne, mens forhandlingsdelegasjonen til valvinnar Ap i dag skal møta Venstre og Senterpartiet i dag.