Lørdag 13. juni 2015
MANGE ELSKAR RAYMOND: Høgres Stian Berger Røsland og Arbeidarpartiets Raymond Johansen vil båe to gjerne vere sjef i Oslo Rådhus etter haustens lokalval. Det kan bli særs tett laup i hovudstaden.
• Johansen er meir populær som byrådsleiar enn Røsland • Men Oslo seier nei til eigedomsskatt
Ap leier kampen om Oslo
Trykk på målingen for større versjon
1–1: Oslo-veljarane har talt: Fleire vil sjå Raymond Johansen enn Stian Berger Røsland som byrådsleiar til hausten. Men eigedomsskatt vil dei ikkje ha.

Det kan bli ein svært spanande valkamp for både dei raude og dei blå i Oslo. Men Raymond Johansen er meir populær som byrådsleiarkandidat enn kva Stian Berger Røsland er, viser nye tal:

41,6 prosent ønskjer å sjå Raymond Johansen styre byen, medan 34,6 prosent vil at dagens byrådsleiar Stian Berger Røsland skal halde fram ved roret. 23,9 prosent ønskjer ingen av desse. Det viser ei måling Sentio Research Norge har utført for Klassekampen.

Dermed har Aps mann eit solid overtak før valkampen tek til for fullt.

– Eg trur eg kjem inn som eit friskt pust, seier Johansen om målinga.

Fakta

Ny måling

• 800 Oslo-borgarar er spurt om «Hvilken byrådsleder foretrekker du av Aps Raymond Johansen og Høyres Stian Berger Røsland?». 41,6 prosent av dei spurde ønskjer Johansen, 34,6 prosent ønskjer Røsland, og 23,9 prosent ønskjer ingen av desse.

• Dei fekk òg spørsmålet «Er du for å innføre eiendomsskatt i Oslo?». Her svarte 30,1 prosent ja, 52,1 prosent nei og 17,8 prosent «veit ikkje».

Splitta om MDG

Høgresida har no styrt byen i 18 år, men tidlegare denne veka viste ei meiningsmåling i Klassekampen at fleirtalet kan gleppe for den blågrøne blokka. Eit rekordstort MDG er på vippen i Oslo og kan avgjere kven som får makta.

– Det er hyggeleg at så mange veljarar er opptekne av miljøpolitikk. Eg trur Ap vil dra Oslo i ei grønare retning, og eg har full respekt for at MDG ikkje vil velje side enno, seier Johansen om den grøne kometen.

Dagens byrådsleiar Stian Berger Røsland har eit anna syn på Dei Grøne:

– Eg trur ikkje dei vil kunne vere ein del av det parlamentariske grunnlaget for eit borgarleg byråd. Dei høyrer til på venstresida, seier Røsland til Klassekampen.

Han tek også popularitetsbarometeret med fatning:

– Det viser at vi er omtrent like mykje meir populære enn våre parti. Denne valkampen dreier seg meir om politikk enn om personar.

Høgresida har dessutan eit ekstra ess i ermet: Oslos veldig populære ordførar Fabian Stang. Røsland er oppteken av å løfte fram sin lagkamerat:

– Eg stiller saman med Fabian og resten av kandidatane på lista. Eg står ikkje åleine, seier Røsland.

Bakgrunnstala viser at så mange som 26 prosent av Venstre-veljarane ønskjer seg Aps byrådsleiarkandidat, sjølv om 47 prosent framleis vil halde på Røsland.

– Kva tenkjer du om at så mange av Venstre-veljarane vil ha ein annan byrådsleiar enn den partiet stør i dag?

– Eit overveldande fleirtal ønskjer meg. I eit sentrumsparti vil det vere veljarar som ser i båe retningar, seier Røsland.

Han trur valkampen i Oslo vil bli avgjort av tre ting:

– Det vil stå om kven som presenterer dei beste løysingane for skule og utdanning, er pådrivar for det grøne skiftet og kan skape eit tryggare Oslo, seier byrådsleiaren.

Seier nei til eigedomsskatt

Målinga viser òg at fleirtalet seier nei takk til eigedomsskatten: 30,1 prosent av dei spurde ønskjer denne skatten, medan 52,1 prosent seier nei takk. 17,8 prosent har ikkje gjort seg opp ei meining om det som kan bli den store valkampsaka i Oslo.

– Dette er det mest konkrete valløftet dei fire raude partia er samde om, og det er ein politikk folk ikkje ønskjer, seier Røsland.

Han meiner det eit underleg tidspunkt å fronte denne skatten på:

– Dette vil medføre skatt på bustad, men òg på næringseigedom. No som det er dårlege tider, er timinga for å skattleggje bedriftene lite heldig. Dette er nok mange skeptiske til, meiner Røsland.

– Men er ikkje 30 prosent ganske høgt?

– Når ein ser på at det faktisk er fire parti som stiller seg bak dette, og dei har fleirtal, er det ikkje det.

Johansen er ikkje uroa for at dette kan bli ei taparsak for venstresida:

– Når over 30 prosent seier ja til å få ein ny skatt utan å bli fortalt kva den vil bli brukt til, er det eit høgt tal, seier Aps mann, som fortel at partiet vil øyremerke pengane til barnehagedekning om eldreomsorg:

– Over 6000 ungar i barnehagealder er i dag utanfor barnehagen. Av dei står 1300 i kø. I tillegg må vi gjere eldreomsorga betre. Eg kjem til å køyre ein ærleg valkamp: Dette er det vi må gjere for å betre Oslo. Høgresida har ikkje pengane til å forbetre dette, seier Johansen.

Han viser til at 79 av 119 Høgre-styrte kommunar i dag har eigedomsskatt, ifølgje tal NRK har henta inn frå Statistisk sentralbyrå.

Det er likevel store forskjellar internt i byen: På Oslo indre aust seier 42 prosent ja, medan ja-prosent berre er 25,6 prosent på ytre vestkant. Målinga syner at tilhengarane er fleire enn motstandarane i både Ap, SV, Raudt og MDGs veljargrupper.

– Oslo er ein by med store sosiale forskjellar. Desse tala kan reflektere det, meiner Raymond Johansen, som synst det er imponerande at over 25 prosent på vestkanten faktisk stør denne tilleggsskatten, meiner Ap-politikaren.

Kamphanar med god tone

Sjølv om kampen om Oslo vil bli tøff, er det likevel god stemning konkurrentane imellom.

– Kan du kome med ein kompliment til din motstandar, Raymond Johansen?

– Stian er ein veldig real fyr å diskutere med. I tillegg er han veldig hyggeleg.

– Og kva vil du seie om Raymond Johansen, Røsland?

– Han er ein veldig engasjert og hyggeleg type. Det har vore veldig positivt så langt, seier byrådsleiaren.

politikk@klassekampen.no

Torsdag 26. april 2018
PÅ GANGEN: Lektor Clemens Saers fikk undervisningsnekt på dagen etter anonyme krenkeanklager fra elever. Lærerorganisasjoner vil endre den nye «krenkelsesparagrafen» i opplæringsloven for å hindre misbruk.
Onsdag 25. april 2018
OPPSIDA: 70.000 nye arbeidsplasser i Norge innen 2050 og en inntjening på 220 milliarder kroner i året. Det kan bli resultatet om regjeringen investerer i karbonfangst og -lagring.
Tirsdag 24. april 2018
ÅPENHET: Eivor Evenrud (Rødt) er blitt kontaktet av lærere som har blitt kalt inn på teppet for å dele innlegg på Facebook. – Mange opplever en fryktkultur, sier hun.
Mandag 23. april 2018
TENKETANKER: Manifest-leder Magnus Marsdal mener Agenda blir kjøpt for å spre NHOs verdenssyn når tenketanken lager rapport om at folk må jobbe lenger i framtida.
Lørdag 21. april 2018
KRENKET: 61 lærere i Oslo har blitt gransket for krenking av elever siden innføringen av en ny «krenkeparagraf» i fjor. Lærere frykter at loven kan ­misbrukes.
Fredag 20. april 2018
KARAKTERER: Norge er flinkere til å innføre EU-regler enn EU-landene selv. Kun fire direktiver gjenstår, viser nye tall fra Esa.
Torsdag 19. april 2018
SKODDEHEIMEN: Utanriksopposisjonen på Stortinget vil ha svar om militsane i Syria.
Onsdag 18. april 2018
PROSESS: Ulsrud videregående skole i Oslo har åpnet sak mot lektor Simon Malkenes etter at han deltok i en debatt. Jurist Anine Kierulf mener terskelen for å begrense læreres ytringsfrihet må være høy.
Tirsdag 17. april 2018
FORSLAG: I SV skapar fleirtalet mot omskjering steile frontar. Både i Raudt og Miljøpartiet Dei Grøne kjem forslag om aldersgrense mot omskjering på agendaen i mai.
Mandag 16. april 2018
KRIG: Venstres leder Trine Skei Grande er nå fast medlem i regjeringens sikkerhetsutvalg. Hun lover åpen debatt om nye internasjonale operasjoner i ­Stortinget.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk