FISKEKAMP: Helsekostselskapet Calanus AS vil ha kvote for å fiske raudåte, krepsdyret som produserer mat til all fisk i havet. I fiskerinæringa er det sterk motstand mot å fiske så langt ned i næringskjeda.
Krepsdyret raudåte kan årleg produsere 400 millionar tonn protein. Fisket av raudåta har vore forbode til no, men eit helsekostselskap kjemper no for å få starte fiske på raudåte. Selskapet Calanus har forska i ti år på dette krepsdyret. Dei har aldri drive tradisjonell fiskeindustri, men har utvikla stor kompetanse på marin bioindustri.