Talent-dorge

Grovt sagtJens Kihl24. januar 2015

Eg har aldri hatt eit snev av konkurranseinstinkt. Faktisk kan eg ikkje hugse eit einaste tidspunkt i livet der eg har blitt deppa over den plasseringa eg har fått. Tap på sekstimeter, sisteval på fotballaget, eller strenge blikk frå korpsdirigenten: Det var uansett berre for detaljar å rekne mot det som verkeleg hadde noko å seie i livet: elevrådsarbeid. Og i «klassens time» blir det ikkje delt ut karakter, som alle veit.

Når teksten går i svart.

Sladdeføre

SignertBrit Bildøen24. januar 2015

Knappe to veker etter at terroristar slakta ned nesten heile Charlie Hebdo-redaksjonen, kjem det eit grelt eksempel på knebling av ytringsfridommen frå ein heilt annan kant. Tysdag kom det ut ei bok på norsk som er full av svarte strekar. Strekane skjuler namn og dekker over skildringar av amerikanske avhøyrsmetodar utanfor det amerikanske rettssystemet. Men sladden er det amerikanske styresmakter som står for. Alle som ikkje har erfaring med sensur kan no få det demonstrert, svart på kvitt, om dei les dagboka til Guantánamo-fangen Mohamedou Ouid Slahi.

Bevegelse

Jens Kihl24. januar 2015

Denne veka la Aps kunnskapsutval fram resultatet av sitt arbeid. Månader med hardt arbeid skulle presenterast, og infoavdelinga i partiet hadde flittig klypt opp programmet i bitar som redaksjonane skulle få. Og vi stilte opp: Nationen skreiv om korleis Ap ønskte ei ny skogsatsing. I Aftenposten kunne vi lese at partiet vil ha fleire elevsamtalar i skulen. Denne avisa laga eit stort oppslag om at sosialdemokratane går for meir yrkesretting av skuleløpet frå fyrste trinn. Dagsavisen slo opp at kritisk tenking no skal bli ein eigen grunnleggjande kunnskap i skulen (ei sak Dagbladet.no slo opp kvelden før, og det kan sjå ut til at dei har fått tilsendt heile dokumentet). Bergens Tidende er Vestlandets største avis, og fekk derfor saka om at Ap vil gje meir statlege midlar til berekraftig vekst i havbruksnæringa, medan NRK laga sak om at Ap (endeleg) går inn for det gamle SV- og KrF-kravet om bemanningsnorm for lærarar. Men sjølv om kvar artikkel i seg sjølv er god, gjev summen eit inntrykk av journalistar (meg sjølv inkludert) som spring i flokk. Det er aldri vakkert.