Lørdag 27. desember 2014
SØNDAGSENGEL: Nordmenn flest seier nei til at butikkane skal vere opne veka rundt, men Anette Edvardsen er ei av dei som set pris på å kunne handle på søndagar. – Eg er sjukepleiar og jobbar vakter, så for meg er det ein stor fordel at butikkane har ope når eg har fri, seier ho.
Regjeringa pressar på for at søndagen skal bli ein handledag – mot folkets vilje:
Søndagsshopping? Nei takk.
Undersak

– Kunne godt tenkje meg søndagshandel

Anette Edvardsen er ei av dei som meiner søndagshandel er greitt. Ho meiner Noreg bør gjere som fleire andre land og liberalisere reglane.

– Ja, eg kunne godt tenkje meg det. Nesten alle andre land gjer det slik, seier Edvardsen når Klassekampen møter henne på Storosenteret i Oslo.

– Kva tenkjer du om at søndagen skal vere fri?

– Då har ein eit val sjølv. Eg trur ikkje behovet for å kjøpe blir større sjølv om fleire butikkar er opne. Sjølv kjøper eg det eg skal kjøpe uansett, seier Edvardsen, som fortel at ho ofte søndagshandlar, ikkje minst i juleinnspurten.

– Ja, då er butikkane lettare tilgjengelege. Eg har også reist til Sverige nokre gonger. Eg er sjukepleiar og jobbar vakter, så for meg er det ein stor fordel at butikkane har ope når eg har fri, forklarer Edvardsen.

– To av tre er mot at alle butikkar skal vere opne på søndagar. Kva trur du er grunnen?

– Kanskje folk vil ta vare på den stille søndagen? Folk som jobbar i butikk er vel også opptekne av å få ein fridag, meiner Edvardsen.

OPPHØYRSSAL: To av tre nordmenn seier nei til framlegget om å opne for søndagshandel heile året. No slit regjeringa med å finne fleirtal på Stortinget.

ØKONOMI

– Høgre, Venstre og Frp har gått til val på søndagsopne butikkar, og vi har fått fleirtal i valet.

Det seier Kristin Vinje, som er talsperson for Høgres stortingsgruppe i saka om søndagsopne butikkar.

Men heller ikkje i denne saka ser det ut til at regjeringa har teke folkemeininga på pulsen: I ei ny meiningsmåling Klassekampen har fått utført seier 62 prosent nei til at det skal bli tillate med søndagsopne butikkar heile året. Berre 34 prosent stør regjeringas syn.

– Folk set pris på tilbodet når det fyrst er her. Eg ser at veldig mange handlar daglegvarer på søndagar, seier Vinje til Klassekampen.

Ho meiner dagens regelverk er konkurransevridande:

– Vi vil rydje opp. I dag kan butikkar i turistkommunar halde ope, det same gjeld hagesenter og brustadbuene, seier Høgre-representanten, som meiner motstanden mot framlegget har fått i overkant store proporsjonar:

– Dette minner om debatten om innføringa av fargefjernsyn. Det er ikkje syndfloda vi skal innføre.

Fakta

Søndagshandel:

• På oppdrag frå Klassekampen har Sentio spurt 1000 nordmenn om deira haldning til søndagsopne butikkar.

• Spørsmålet som blei stilt, var «Er du for eller mot at det bør bli tillatt med søndagsåpne butikker hele året?».

• Undersøkinga blei gjort per telefon og er utført i perioden 9. til 16. desember 2014.

• Det er venta at kulturminister Thorhild Widvey vil presentere sitt endringsframlegg til opningstidslova på nyåret. Så vil framlegget gå ut på høyring, før Stortinget skal fatte eit vedtak.

• Sentio utførte den same undersøkinga i fjor. Då var 67 prosent mot, 29 prosent for og 4 prosent visste ikkje.

– Det er ingen skam å snu

Trine Lise Sundnes er leiar for Handel og Kontor, som organiserer titusenvis av tilsette i handelsnæringa. Ho meiner regjeringa må ta åtvaringa frå folket på alvor:

– Folket er mot det, partane i arbeidslivet er mot det, frivilligheita er mot det. Det er ingen skam å snu, seier Sundnes.

– Er du einig i at debatten om søndagshandel minner om fargefjernsynsdebatten?

– Noko av det som uroar meg, er at ein ikkje tek inn over seg at dette er landets største næring etter offshorebransjen. Når handelen endrar seg, får det store konsekvensar, seier HK-leiaren.

Venstre sit med nøkkelen

Sjølv om Vinje håpar på draghjelp frå Venstre, er støtta langt frå garantert. Sentrumspartiet har nemleg ikkje programfesta søndagsopne butikkar, men eit ønske om å overføre reguleringa av dette feltet til kommunane.

Sveinung Rotevatn sit på Stortinget for Venstre og meiner denne saka eignar seg for lokalt sjølvstyre:

– Kor vidt ein butikk held oppe eller ikkje er ikkje noko Stortinget bør avgjere, sier Rotevatn.

– I undersøkinga er 67 prosent av Venstre-veljarane motstandarar av opningsframlegget. Kva tenkjer du om det?

– Dette blei vedteke samrøystes på landsmøtet, så vidt eg hugsar. Eg trur folkefleirtalet kan leve med vår konklusjon i denne saka.

Kristin Vinje meiner derimot saka høyrer heime i Stortinget:

– I utgangspunktet meiner eg dette bør avgjerast på nasjonalt nivå.

– Men de har ikkje fleirtal?

– Vi må forhandle på Stortinget, men det er viktig å merkje seg at det er fleirtal for å rydje i lovverket.

politikk@klassekampen.no

Tirsdag 12. desember 2017
SPLITTA HERSK: Frps landsstyre er meir samla om at Venstre skal gå i regjeringsforhandlingar enn kva Venstres landsstyre er.
Mandag 11. desember 2017
JA OG NEI: Halvparten av ordførarane til Venstre seier ja til regjering. Fleire meiner det er ein myte at Distrikts-Venstre er regjeringsmotstandarar.
Lørdag 9. desember 2017
VI SEI NEI, NEI, NEI: Sp er heilt imot å opne den raudgrøne alliansen for Raudt og MDG. Torbjørn Røe Isaksen meiner Aps MDG-flørt gjer jobben lettare for Høgre.
Fredag 8. desember 2017
ALLIANSE: Ap-leder Jonas Gahr Støre må ta Rødt og MDG og bygge en ny allianse, mener Raymond Johansen. Han ønsker Martin Kolbergs oppgjør med partiet velkommen.
Torsdag 7. desember 2017
NERVEKRIG: Stadig færre norske krigsveteraner får erstatning for psykiske lidelser påført i utenlandstjeneste. I flere av sakene velger statens byråkrater å se bort ifra medisinske erklæringer om psykologiske krigsskader.
Onsdag 6. desember 2017
GENTABBE: Oslo universitetssykehus får refs for gentesting i en ekstern rapport. Samtidig viser det seg at flere enn 21 kvinner er rammet av skandalen.
Tirsdag 5. desember 2017
VIKTIG VEKE: Denne veka landar Venstre på om dei skal gå i regjeringsforhandlingar. Ingen av fylkesleiarane seier nei til å gå vidare med regjerings­praten.
Mandag 4. desember 2017
ULIKHET: Klasseskiller henger sammen med hva du bekymrer deg for, og hvor mye. Arbeiderklassen er de som har flest bekymringer.
Lørdag 2. desember 2017
PRESS: Sykehuslegene har ikke tid til å spise eller gå på do og føler ofte de skulle vært flere steder på en gang. Dette kommer fram i en ny stor undersøkelse.
Fredag 1. desember 2017
LEX HAGEN: Frp vil besvare «Lex Hagen» med et forslag myntet på tidligere Ap-leder Thorbjørn Jaglands dobbeltrolle i Nobelkomiteen.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk