Sidan me skreiv om baskisk førre veka, er det naturleg å følgja opp med ei spalte om språkleg slektskap. Lat oss ta eit lite knippe: norsk, samisk, russisk, urdu, tyrkisk, gresk, keltisk, arabisk. Russisk, urdu (pakistansk), gresk, keltisk og norsk høyrer til dei indoeuropeiske språka – deira område strekkjer seg, som ordet fortel, frå India til Europa. Samisk er derimot i slekt med finsk og ungarsk og estisk; ei språkgruppe som òg i si tid kom austfrå, for vel tre tusen år sidan. Altså: Pakistansk tale i Oslo står norsk tale nærare enn det samisk gjer. Tyrkisk er ikkje indoeuropeisk, heller ikkje arabisk – det sistnemnde høyrer til den semittiske språkfamilien