JUBILEUM: 200 år etter Stormannsmøtet på Eidsvoll er ekspertane i tvil om korleis det eigentleg står til med demokratiet her til lands.
Eidsvoll, 16. februar 1814: Prins Christian Frederik har kalla inn 21 av dei leiande mennene på Austlandet. Dei er militære, professorar, handelsmenn og geistlege. Kort sagt: samfunnets beste menn. Denne krinsen, der mange kjenner kvarandre godt frå før, skal fatte avgjerande vedtak for Noregs framtid. Men folket veit knappast om at møtet finn stad. Christian Frederik har eigentleg planlagt å søkje kongemakt, men går i staden med på ei utsetjing fram til Grunnlova er ferdigskriven. Og alt skjer bak lukka dører.