Mandag 11. november 2013
FELLES KAMP: SV-leiar Audun Lysbakken besøkte Nei til EU sitt landsmøte i helga. Han varslar at SV planlegg ein offensiv i EU-spørsmål i veka som kjem.Foto: NEI TIL EU
SV-leiar Audun Lysbakken maner til ny kamp mot EUs datalagringsdirektiv:
Forventar at Frp stiller opp
Undersak:

Nei til EU skal jobba tettare med fagrørsla

Heming Olaussen blei i går valt for tiande gong på rad som leiar for Nei til EU. Han varslar tettare arbeid med fagrørsla framover.

– Me skal no jobba saman med fagrørsla og utfordra dei direktiv som kjem ifrå EU, seier Olaussen.

I dag besøker han Fagforbundet sitt landsmøte. Det blir historisk når Nei til EU-leiaren går opp på talarstolen og helsar Fagforbundet-landsmøtet.

– Det er fyrste gong me er der, og det viser at me satsar saman, seier han.

På Nei til EU-landsmøtet i helga var Fagforbundet-leiar Jan Davidsen gjest.

– Alliansen som Nei til EU representerer har klart å snu folket over til å fatte fornuftige vedtak. Vi treng dei breie alliansane for vårt felles samfunn. Kanskje har det aldri vore så viktig som det er no, sa Jan Davidsen til landsmøtet.

Nei til EU vedtok denne helga at organisasjonen skal jobba for ei folkeavstemming om EØS-avtalen.

– Det mest radikale forslaget blei nedstemt, men vedtaket, som handlar om folkeavrøysting på lang sikt, har brei støtte, seier Olaussen.

Sveinung Rotevatn (V)
KAMP: SV-leiar Audun Lysbakken er klar for omkamp om EUs datalagringsdirektiv. Venstres Sveinung Rotevatn er klar for å gå i krigen.

EØS

Over to år er gått sidan Arbeidarpartiet og Høgre fann saman og fekk fleirtal for å ta EUs datalagringsdirektiv inn i norsk lov.

– Mykje har skjedd. Det eine er den massive overvåkingsskandalen. Det andre eit aldri så lite opprør mot direktivet i EU, seier Lysbakken.

EU-domstolen har no direktivet på sitt bord, og kan komma til å konkludera med at direktivet er ulovleg. Lysbakken meiner at uansett kva EU-domstolen endar med, er det behov for ei ny grundig vurdering i Noreg.

Han får støtte frå Venstres Sveinung Rotevatn.

– Stortinget har rett nok vedteke direktivet, men det er betydeleg motstand både i Stortinget og i folket. Me er definitivt klare for ny kamp, seier Rotevatn.

– Me skal vinna denne krigen, seier han.

Fakta

Direktiv frå EU:

• EUs datalagringsdirektiv (DLD) blei vedtatt i EU i 2006, som ein reaksjon mot terrorangrepa i New York, London og Madrid.

• Direktivet krev lagring av opplysningar om kvar enkelte sin bruk av telefon, e-post og internettsøk.

• Arbeidarpartiet og Høgre fekk fleirtal for DLD i 2011.

• EUs tredje postdirektiv vil opna for full konkurranse om all brevpost. Den nye regjeringa vil ta direktivet inn i norsk lov.

Ønsker ny brei kamp

Framstegspartiet, som også har vore mot direktivet, sit med begge statsrådane som har ansvaret for å gjennomføra datalagringsdirektivet: samferdsleminister Ketil Solvik-Olsen og justisminister Anders Anundsen.

– Eg forventar at statsrådane gjer noko for at det blir ein omkamp. Eg håpar at dei utfordrar Høgre på ei reell ny vurdering, seier Lysbakken.

Rotevatn er einig.

– Eg går frå at Frp står for sine standpunkt, og at ikkje statsrådane gløder for å gjennomføra direktivet, seier han.

Frps Åse Michaelsen, som før har sete i justiskomiteen og no sit i kommunikasjonskomiteen på Stortinget, seier ho ønsker at alle nye moment må vurderast. Ho peiker både på EU-dommen og Snowden-avsløringane.

– Frp som har vore motstandar mot datalagringsdirektivet, vil de no ta ein kamp i regjeringa?

– No sit eg i Stortinget. Og så må ein hugsa at me no har ei mindretalsregjering og at Frp er det minste partiet i regjeringa. Men alle fakta må på bordet, seier ho.

– Tøffare grasrot

Det er ikkje berre datalagringsdirektivet SV-leiar Lysbakken er uroa for.

I helga var han på Nei til EU sitt landsmøte. Der mana han til ein tøffare grasrotkamp.

– Dei neste åra kjem me til å trenga tøff grasrotorganisering for å greia å unngå at Noreg aktivt abonnerer på alle direktiv som kjem frå EU. Eg fryktar at fleire av dei direktiva som den førre regjeringa uttrykte skepsis til, kan bli passivt akseptert, seier Lysbakken.

Han varslar at SV planlegg ein offensiv i EU-spørsmål i veka som kjem, og har bedt finansminister Siv Jensen og europaminister Vidar Helgesen stilla i Stortingets spørjetime på onsdag. Der må dei svara på kva konsekvensar ei innføring av postdirektivet vil ha, og kva Noreg vil gjera for å sikra bankgaranti-ordninga.

– Det eg er redd for er at den nye europaministeren ikkje blir ein forsvarar, men ein postkasse for Brussel sine direktiv, seier Lysbakken.

– Me veit at regjeringa har eit anna syn i mange saker. Det er ærleg. Men det grunnleggande er kven som skal bestemma.

No fryktar han at Postdirektivet vil gli rett inn i norsk lov, utan ei skikkeleg konsekvensutgreiing.

Datalagring frå 2015

EU vedtok datalagringsdirektivet i 2006, som vil vil bety at norske myndigheiter skal lagra opplysningar om kor og når den enkelte bruker mobiltelefon, sender e-post eller søker på nettet.

Før helga svarte samferdsleminister Ketil Solvik-Olsen på eit spørsmål frå SV om direktivet. Solvik-Olsen skriv at sjølv om EU-dommen er venta å komma i februar, formelt ikkje har innverknad på norsk regelverk, meiner han at «ein bør venta resultatet av denne dommen før ein fremjar forslag om fordeling av kostnader med lagringsplikta etter datalagringsdirektivet, og med det vert iverksetjinga av datalagringsreglane utsett».

Lysbakken håpar det betyr at bremsen no er på.

– Dette svaret er litt uklart, men det går an å lesa det som at regjeringa vil venta, seier Lysbakken.

Den raudgrøne regjeringa fekk plass ei rekke regelendringar som er naudsynte før lagringa av data kan starta her til lands. Det som står att er i hovudsak reglar om fordeling av kostnader.

I svaret frå Solvik-Olsen går det fram at regjeringa arbeidar for at å fremja dei siste naudsynte regelendringane til våren, og at dei kan tre i kraft 1. juli neste år. Regjeringa tar sikte på at lagringsplikta skal gjelda frå 1. juli 2015.

Det lukkast ikkje Klassekampen å få ein kommentar av Solvik-Olsen i går. Politisk rådgjevar Reynir Johannesson i Samferdsledepartementet viser til svaret Solvik-Olsen har gitt, og legg til at «vi sjølvsagt følger utviklinga i EU».

anneh@klassekampen.no

Tirsdag 24. april 2018
ÅPENHET: Eivor Evenrud (Rødt) er blitt kontaktet av lærere som har blitt kalt inn på teppet for å dele innlegg på Facebook. – Mange opplever en fryktkultur, sier hun.
Mandag 23. april 2018
TENKETANKER: Manifest-leder Magnus Marsdal mener Agenda blir kjøpt for å spre NHOs verdenssyn når tenketanken lager rapport om at folk må jobbe lenger i framtida.
Lørdag 21. april 2018
KRENKET: 61 lærere i Oslo har blitt gransket for krenking av elever siden innføringen av en ny «krenkeparagraf» i fjor. Lærere frykter at loven kan ­misbrukes.
Fredag 20. april 2018
KARAKTERER: Norge er flinkere til å innføre EU-regler enn EU-landene selv. Kun fire direktiver gjenstår, viser nye tall fra Esa.
Torsdag 19. april 2018
SKODDEHEIMEN: Utanriksopposisjonen på Stortinget vil ha svar om militsane i Syria.
Onsdag 18. april 2018
PROSESS: Ulsrud videregående skole i Oslo har åpnet sak mot lektor Simon Malkenes etter at han deltok i en debatt. Jurist Anine Kierulf mener terskelen for å begrense læreres ytringsfrihet må være høy.
Tirsdag 17. april 2018
FORSLAG: I SV skapar fleirtalet mot omskjering steile frontar. Både i Raudt og Miljøpartiet Dei Grøne kjem forslag om aldersgrense mot omskjering på agendaen i mai.
Mandag 16. april 2018
KRIG: Venstres leder Trine Skei Grande er nå fast medlem i regjeringens sikkerhetsutvalg. Hun lover åpen debatt om nye internasjonale operasjoner i ­Stortinget.
Lørdag 14. april 2018
STRAFF: Rebekka Borsch vil ha Venstre-landsmøtet med på at partifeller som trakasserer, skal kunne fratas tillitsverv. Statssekretæren forteller at hun i årevis har blitt trakassert av en lokallagsleder.
Fredag 13. april 2018
BRØYTEBIL: Bjørnar Moxnes har fått mer tro på Stortinget etter å ha oppholdt seg der i et halvt år. Men Rødt-lederen vil ikke være lojal til Stortingets regler og snakker om «brøytebil­parlamentarisme».

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk