Ser forbi gamle mytar

Kva vitskaplege framsteg kom ut av den islamske gullalderen? Teknisk Museum hentar inn historiske prov. - Eit korrektiv til ein mytestyrt debatt, ifølgje prosjektleiar Vidar Enebakk.

Den islamske gullalderen (ca. 750 til 1258) har vorte samtidspolitisk krut. I kjølvatnet av dei arabiske erobringane følgde spreiing og utvikling av naturvitskap, filosofi og styresett. Når konsekvensane av 1200 år gammal historie blir tolka i dag, ligg vår tids konfliktar under overflata.