Lørdag 3. mars 2012
Krigar i privat teneste
OVERGANG: Private­ sikkerheitsselskap leiger ut heimevernssoldatar og politimenn som væpna vakter på norske skip. Politiet planlegg sanksjonar, medan Heime­vernet ikkje greier å stoppe tilstrøyminga.

Marknaden for private sikkerheitsselskap har fått ein kraftig oppsving her til lands etter at regjeringa i fjor gav norske skip lov til å ha væpna vakter om bord.
Eit privat selskap tilset no reservesoldatar og politimenn i permisjon til slike oppdrag.
Selskapet Polar Arctic Security i Fredrikstad reklamerer på nettsidene sine med at dei er eigde og leia av «tidlegare politimenn og militære offiserar i aktiv teneste» (omsett frå engelsk av Klassekampen).
Dagleg leiar Steinar Inselseth var for ein månad sidan skiftleiar og førstebetjent i Sandefjord-politiet. Han fekk eit halvt års permisjon for å jobbe i selskapet.
– Vi får førespurnader frå folk som er reserve i militæret, til dømes i Heimevernet, altså folk som er inne til teneste i ein kortare periode. Vi knyter ikkje til oss folk som er fast tilsette i Forsvaret. Det same gjeld politimenn: Skal dei vere operative hos oss, må dei enten vere pensjonerte eller i permisjon, seier Inselseth til Klassekampen.
Heimevernet makteslaus
Leiinga i Heimevernet er lite blide for at personar dei gjev våpentrening skal gå inn som private, væpna vakter i utanlandske farvatn. Men dei greier ikkje stoppe det.
– Det er eit dilemma for oss. Vi er jo ikkje arbeidsgjevar for tilkallingsmannskap, anna enn dei fem-seks dagane dei er inne i året. Vi kan ikkje styre resten av kvardagen deira, seier kommunikasjonssjef Nils Arne Skaret i Heimevernsstaben.
Han fortel at dette vart teke opp på møte med generalinspektøren, alle områdesjefane og distriktssjefen for Oslofjord Heimevernsdistrikt (HV-01) før jul.
– Vi kom fram til at vi ikkje ønskjer ein slik kontakt frå nokon av våre mannskap. Vi ønskjer ikkje samanblanding av roller, og har åtvara våre folk på generelt grunnlag å blande korta, seier Skaret.
– Er det ingenting Heimevernet kan gjere?
– Vi kan velje å ikkje ta inn nye soldatar som kjem frå den bransjen. Ein kar som er utdanna i Forsvaret kan jo fint ta seg jobb i eit privat sikkerheitsselskap. Men ønskjer vi å kalle han inn til Heimevernet? spør Skaret.
Politidirektoratet strekar under «den nødvendige respekt og tillit som er forbundet med å inneha stilling i politiet». Politimenn i aktiv teneste kan ikkje ta på seg væpna vaktoppdrag, men det kan politimenn i permisjon.
Set foten ned
Formelle sanksjonar er likevel aktuelle:
– Politimeisteren vil kunne nekte permisjon dersom formålet med permisjonen er å ta del i den type verksemd det her er tale om, seier Christian Butsberg Pettersen, direktør for juridisk avdeling i Politidirektoratet.
– Direktoratet vil vurdere om det er behov for å tydeleggjere dette overfor politidistrikta, avsluttar Pettersen.
Dagleg leiar Steinar Inselseth i Polar Security International er tydeleg på at selskapet gjer alt dei kan for å unngå rolleblanding.
– Vi gjer det klart for alle interesserte at dei må avklare forholdet til andre arbeidsgjevarar og overordna. Vi går heller ikkje ut med møte, oppslag eller anna aktiv rekruttering. Dei som vurderer tilsetjing kjem til oss, vi går ikkje til dei, seier Inselseth.
johanb@klassekampen.no

Artikkelen er oppdatert: 4. mars 2012 kl. 16.44
Tirsdag 24. april 2018
ÅPENHET: Eivor Evenrud (Rødt) er blitt kontaktet av lærere som har blitt kalt inn på teppet for å dele innlegg på Facebook. – Mange opplever en fryktkultur, sier hun.
Mandag 23. april 2018
TENKETANKER: Manifest-leder Magnus Marsdal mener Agenda blir kjøpt for å spre NHOs verdenssyn når tenketanken lager rapport om at folk må jobbe lenger i framtida.
Lørdag 21. april 2018
KRENKET: 61 lærere i Oslo har blitt gransket for krenking av elever siden innføringen av en ny «krenkeparagraf» i fjor. Lærere frykter at loven kan ­misbrukes.
Fredag 20. april 2018
KARAKTERER: Norge er flinkere til å innføre EU-regler enn EU-landene selv. Kun fire direktiver gjenstår, viser nye tall fra Esa.
Torsdag 19. april 2018
SKODDEHEIMEN: Utanriksopposisjonen på Stortinget vil ha svar om militsane i Syria.
Onsdag 18. april 2018
PROSESS: Ulsrud videregående skole i Oslo har åpnet sak mot lektor Simon Malkenes etter at han deltok i en debatt. Jurist Anine Kierulf mener terskelen for å begrense læreres ytringsfrihet må være høy.
Tirsdag 17. april 2018
FORSLAG: I SV skapar fleirtalet mot omskjering steile frontar. Både i Raudt og Miljøpartiet Dei Grøne kjem forslag om aldersgrense mot omskjering på agendaen i mai.
Mandag 16. april 2018
KRIG: Venstres leder Trine Skei Grande er nå fast medlem i regjeringens sikkerhetsutvalg. Hun lover åpen debatt om nye internasjonale operasjoner i ­Stortinget.
Lørdag 14. april 2018
STRAFF: Rebekka Borsch vil ha Venstre-landsmøtet med på at partifeller som trakasserer, skal kunne fratas tillitsverv. Statssekretæren forteller at hun i årevis har blitt trakassert av en lokallagsleder.
Fredag 13. april 2018
BRØYTEBIL: Bjørnar Moxnes har fått mer tro på Stortinget etter å ha oppholdt seg der i et halvt år. Men Rødt-lederen vil ikke være lojal til Stortingets regler og snakker om «brøytebil­parlamentarisme».

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk