Fredag 21. oktober 2011
Hydrogenframtida i fare
For dyrt: Statoil vil avslutte drifta av hydrogenstasjonane sine etter 2012. Bilselskapa fortvilar: Snart har dei bilane klare, men på grunn av Statoil kan dei stå utan pumpe­stasjonar.

«Hydrogen har potensial til å bli en viktig energibærer i fremtiden. Derfor bruker vi tid, krefter og ressurser på å drive forretningsutvikling og forskning omkring hydrogen», skriv Statoil ASA på sine nettsider.


No må nettsidene oppdaterast: Etter 2012 vil Statoil kvitte seg med alle hydrogenpumpestasjonane sine. Sidan det er Statoil som driv alle pumpestasjonane frå Stavanger til Oslo, står dimed den einaste hydrogenstrekninga i Noreg i fare.


- Vi er i ein fase kor vi vurderer om andre eigarar kan overta, stadfestar Morten Eek, informasjonssjef i Statoil ASA.


Hydrogenstasjonane som vert råka ligg i Stavanger, Porsgrunn, Drammen og Oslo.


Bilselskapa rasar


Eek meiner hydrogen er for lite lønsamt til å forsvare vidare drift.


- Slik Statoil ser det er det enno ei god stund til at hydrogen vert kommersielt levedyktig i eit marknadsperspektiv. Vi har tidlegare skilt ut stasjonsdrifta i eit eige, børsnotert selskap og vedtok i år å spisse fornybarsatsinga vår mot havvind, fortel Eek.


Produsentane av hydrogenbilar er ikkje blide: Det er først no dei byrjar få konkurransedyktige hydrogenbilar klare, og så må dei sjå på at infrastrukturen kan forsvinne.


- Daimler i Tyskland er svært skuffa og overraska over at Statoil vil trekkje seg ut, seier Johnny Danielsen, direktør for personbilar i Mercedes-Benz Norge, ein del av importørfirmaet Bertel O. Steen.


Han fortel stolt at medan Toyota satsar på å ha ein prisfornuftig hydrogenbil klar i 2015, skal Mercedes ha det i 2014.


Til Klassekampen seier Danielsen det same som Toyota og Mazda: Statoils snuoperasjon set Noregs framtid som føregangsland i fare.


- Vi i Noreg kjempa i to-tre år for å få verte eitt av tre land kor Mercedes skulle teste ut bilane sine. No har eg ti bilar klare, men risikerer at Statoil stenger Økern stasjon og set heile prosjektet i fare.


Lite interesse for å ta over


Statoil vil ikkje seie om det finst private som er interesserte i å overta drifta.


I 2003 etablerte Statoil, Hydro, lokale styresmakter, Sintef og miljøstiftinga Zero prosjektet HyNor, som administrerer prestisjeprosjektet Hydrogenvegen mellom Stavanger og Oslo.


Styreleiar Bjørn Simonsen i HyNor meiner det er svært uklart kven som skulle kunne ta over etter Statoil.


- Det er berre Shell og Total att blant oljeselskapa som har ei uttalt satsing på hydrogen. I starten av prosjektet hadde vi ein dialog med Shell, men dei satsar i Tyskland og California og det er det. Det statlege straumselskapet Statkraft står fram som mest aktuell.


- Har Statkraft meldt si interesse?


- Nei, men dei følgjer med. Eit alternativ kunne vore om regjeringa gjennom til dømes Samferdsledepartementet gjekk inn og bygde ein statleg driftsorganisasjon.


Noreg var satsingsland


Den raudgrøne regjeringa har satsa på hydrogeninfrastruktur med brask og bram. Økern stasjon vart opna av sjølvaste kronprins Haakon, eit tresifra millionbeløp av skattepengane sett inn til å hjelpe Statoil og HyNor å etablere Hydrogenveg-prosjektet.


- Noreg har i det heile vore landet å satse på, seier Hauk Eirik Jensen, salssjef i Mazda Norge.


Dei raudgrøne har etablert svært gode skattevilkår for hydrogenbilar: Dei er friteke for eingongsavgift, betalar symbolsk årsavgift og null bompengar, i tillegg til at du kan køyre i kollektivfeltet og parkere gratis.


Saman med Statoil-stasjonane og lett tilgang på fornybar vasskraft har det gjort Noreg til eit føregangsland. No tvilar bilselskapa på framtida.


- Det vil heilt klart verte vanskelegare å satse på Noreg utan Statoils infrastruktur, seier Jensen i Mazda.


Per Løken, miljøsjef i Toyota Norge, er samd.


- Framover vil vi fokusere utprøvinga vår i Tyskland, men òg i Norden. Framtida i Noreg er uklar. Om det framleis finst pumpestasjonar i 2015 satsar vi på å levere hydrogenbilar gjennom forhandlarane våre, men vi får sjå, uttalar Løken.


- Regjeringa må på banen


No ventar billeverandørane, HyNor og miljøorganisasjonane at staten tek grep for å berge det norske fotfestet.


- Dersom Regjeringa meiner at nullutsleppsteknologi er viktig, er det dei som må ta ansvar for at infrastrukturen skal overleve før den nasjonale industrien kjem på banen igjen, meiner Bjørn Simonsen i HyNor.


- Vi har notert oss den raudgrøne regjeringa sitt snakk om satsing på alternativ energi. Staten kunne gje tilskott til ein ny kjøpar, eller etablert ein eigen organisasjon. Det handlar om å komme over kneika til bilane er her, seier Danielsen.


Tyske styresmakter og industri har eit tiårig hydrogenprogram på totalt 1,4 milliardar euro.


Artikkelen er oppdatert: 22. oktober 2013 kl. 10.43
Fredag 29. juli 2016
TRYGGHET: Spådommene om at faste arbeids­plasser blir mindre viktig, stemmer ikke, viser ny under­søkelse. Dagens unge vil ha fast jobb.
Torsdag 28. juli 2016
REFS: Lederen for Stortingets finanskomité sier at han «har større forventninger» til Telenors styre­leder etter hennes forsvar av Nordeas Panama-praksis.
Onsdag 27. juli 2016
SVAR: Gunn Wærsted mener det var legitimt å opprette stråselskaper i skatte­paradis for formuende bank­kunder. Hun viser til at også oljefondet har skatteparadis-selskaper.
Tirsdag 26. juli 2016
INN: Sosialarbeiderforbundet FO mener de vil være best egnet til å representere de høyt utdannede i den neste LO-ledelsen. Hvis ikke kan det være FO forlater LO.
Mandag 25. juli 2016
OVERKVALIFISERT: Mange høyt utdannede oppgir at de er overkvalifisert i jobben etter endte studier. Men forskere avviser at det utdannes for mange i Norge.
Lørdag 23. juli 2016
ALVORLIG: Gunn Wærsteds rolle i saken om Panama-papirene er uheldig og alvorlig, mener jussprofessor Beate Sjåfjell. Hun vil ha næringsministeren på banen.
Fredag 22. juli 2016
REFSES: Telenor-topp Gunn Wærsted har i en årrekke vært styreleder for Nordea Luxembourg, som har opprettet stråselskaper i skatteparadis for formuende kunder. Luxembourg-styret får krass kritikk i fersk advokatutredning.
Torsdag 21. juli 2016
KRAV: En kritisk rapport om den nye forsvarsstrukturen ble stanset etter at Forsvarsdepartementet grep inn. Nå krever Sp-politiker Liv Signe Navarsete at Stortinget får lese rapporten.
Onsdag 20. juli 2016
HATOBJEKT: De siste årene har sosialdemokrater i Europa blitt utsatt for flere høyre­ekstreme attentat. Det er et mønster politikerne bør diskutere, sier svensk tankesmed.
Tirsdag 19. juli 2016
BEKYMRET: William Nygaard i Norsk Pen ber den norske regjeringen rykke ut til forsvar for ytringsfriheten i Tyrkia.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk