Dagens leder
* Storbritannias statsminister David Cameron kunne trygt nytte sin einspora pøbelretorikk mot ungdomsopptøyane i London og andre storbyer den første veka, fordi uroa utarta til plyndring, vald og vandalisme på ein måte som folk flest og alle politiske retningar tok avstand frå. Men når han trugar med å kaste familiar ut av kommunale bustader dersom ungdom i huset blir dømt for kriminelle handlingar, kastar han maska og legg opp til ein reindyrka klassestraff som ytterlegare vil auke kløyvinga i det britiske samfunnet. Dette vekkjer også reaksjonar i eigne rekkjer. Hans partifelle og finansminister George Osborne tek ein heilt annen tone når han snakkar om djupe sosiale problem som må løysast i lokalsamfunn som fell utafor det økonomiske systemet.