Mandag 8. august 2011
Fjordman jobba i Hebron
BLOGG: Peder Are Nøstvold Jensen, kjent som Fjordman, jobba som observatør i Hebron på Vestbreidden. Kollegaene skjønnar ikkje korleis han kunne verte islamofob og Israel-ven etter å ha hatt den jobben.

- Alle som drog til Hebron såg kva slags apartheidsystem israelarane dreiv. Eg skjønnar ikkje korleis nokon kunne verte så ureflektert Israel-forsvarar etter å ha sett det.


Det seier ein person som jobba i lag med Peder Are Nøstvold Jensen, kjent som den islamkritiske bloggaren Fjordman, i Temporary International Prescence (TIPH) i Hebron i 2002.


Rapporterte overgrep


- TIPH er ein uvæpna observatørstyrke som skal rapportere overgrep mot både israelske nybyggjarar og palestinarar. Observatørane køyrer eller går rundt i byen og leverer rapportar til Israel, til palestinske styresmakter og til det internasjonale samfunnet, fortel Rolf Andreas Vestvik, informasjonssjef i Flyktningehjelpen.


Organisasjonen skjøttar på vegner av Utanriksdepartementet det norske bidraget til TIPH. Vestvik stadfestar at «Fjordman» jobba som observatør i Hebron frå starten av 2002 til sommaren 2003.


- Han utmerkte seg ikkje på nokon spesiell måte, korkje i den eine eller andre retninga. Han fekk forlenga opphaldet sitt, og det indikerer at det ikkje var nokon negative merknader til arbeidet hans der nede, seier Vestvik til NTB.


Einstøing, men ikkje rabiat


Klassekampen har prata med fleire som jobba med Jensen i den aktuelle perioden. Av omsyn til arbeidsplassen og til Jensen vil dei vere anonyme. Alle er samde om at Jensen ikkje markerte seg som nokon stor islamfiende i Hebron, sjølv om han seinare skulle verte ei leiestjerne for det internasjonale, islamofobe bloggarmiljøet.


- Det hendte han sa ting vi reagerte på; kategoriske fråsegn om at arabarar og muslimar var slik og slik. Men han kom ikkje med rabiat retorikk, og gav ikkje uttrykk for at muslimane har ein plan over å ta over den vestlege verda. For somme stod han fram som noko av ein einstøing, men det var alt, fortel ein annan kjelde frå TIPH-tida.


- Rart å verte Israel-ven


Dei som hugsar Jensen klør seg i hovudet over at ein person som jobba med å rapportere trakassering av særleg palestinarar kunne verte ihuga Israel-ven, slik Jensen fleire gonger har skildra seg som på bloggen sin.


- Å jobbe i TIPH var ein grei jobb for folk som kom rett frå arabiskstudiane, slik som Jensen. Men dei fleste vart fort palestinavener ganske raskt, litt som dei norske soldatane som såg korleis israelarane fór fram i Libanon på 80-talet. Nær sagt alle overgrepa vi såg, var frå israelsk militære og nybyggjarar mot palestinarar, seier Klassekampens kjelde.


«Gamlebyen» i Hebron på Vestbreidda er per i dag okkupert av staten Israel. Der bur det om lag 30.000 palestinarar og 500 israelske nybyggjarar. I motsetnad til slik det er i andre okkuperte område bur israelske settlarar og palestinarar svært tett, somme stader i ulike etasjar i same bygard. Over somme av gatene har palestinarane sett opp hønsenetting for å verne seg mot møblar og stein som israelarane i toppetasjane kyler ned på dei. TIPH har fleire gonger kritisert det israelske militæret for å ha trakassert palestinarar i dei 16 sjekkpunkta dei må gjennom for å komme seg att og fram.


I perioden Jensen arbeidde for TIPH var palestinarane i gong med sitt andre store opprør - intifada - og stemninga skal ha vore spent mellom partane.


Allereie radikalisert


Peder Are Nøstvold Jensen stod fram med fullt namn og bilete i VG fredag.


Terrorsikta Anders Behring Breivik, som drap 77 menneske i to terroråtak den 22. juli, siterer flittig Jensen i sitt «manifest», og fleire av dei 1500 sidene er reine opptrykk av innlegg Jensen har skrive.


Straks etter terroraksjonen omtala Jensen på nettstaden Gates of Vienna statsminister Jens Stoltenberg som ein slave (dhimmi) for islam. Jensen er tilhengar av «Eurabia»-konspirasjonsteorien; at vestlege styresmakter samarbeidar med muslimar om å islamifisere Europa.


Jensen har uttala til VG at han innsåg kor farleg islam var etter 11. september. Etter eigne ord var han dimed allereie islamkritisk då han arbeidde i Hebron i 2002.

Artikkelen er oppdatert: 22. oktober 2013 kl. 10.42
Onsdag 24. mai 2017
UTRYGT: Ap tar et oppgjør med regjeringens beredskapsarbeid. – Politidirektoratet styrer seg selv, sier Hadia Tajik.
Tirsdag 23. mai 2017
UTSATT: Nav stenger skrankene for å få mer tid til dem med størst behov. Men representantene for Navs mest utsatte brukere er kritiske.
Mandag 22. mai 2017
STREITINGER: Miljøpartiet De Grønne går bort fra standpunkt om hvalfangst og alternativ medisin, og toner ned kontroversielle temaer til fordel for hovedsakene i klimapolitikken.
Lørdag 20. mai 2017
HAR TROA: MDG gjør det så svakt at Rasmus Hansson risikerer å falle ut av Stortinget. Likevel mener han partiet kan nå 15 prosent oppslutning på sikt.
Fredag 19. mai 2017
LITE IDEELT: Færre og færre asylmottak blir drivne av ideelle organisasjonar. No meiner Norsk Folkehjelp at Stortinget må ta grep om ikkje ideell sektor skal bli utradert frå mottakssystemet.
Torsdag 18. mai 2017
MOTSTAND: Ei rekkje nye meiningsmålingar viser stor støtte til SVs kampsaker ved dette valet, meiner Audun Lysbakken.
Tirsdag 16. mai 2017
OVERRASKET: Liv Signe Navarsete er overrasket over at regjeringen avviser at rakettskjoldet er rettet mot Russland, samtidig som Forsvaret bruker Russland som et argument for at Norge skal bli med i Natos skjold.
Mandag 15. mai 2017
JOBB: Ledige ingeniører er villige til å flytte på seg, men får likevel ikke tilbud om jobb. Det viser en ny undersøkelse blant Nitos medlemmer.
Lørdag 13. mai 2017
BLI MED! Det er viktigere enn noen gang å gå i barnetog og feire 17. mai, mener Abid Raja. Da han var åtte år, truet ny­nazister med å utløse en bombe dersom skolen hans gikk i toget. Likevel har han bare gode minner fra nasjonaldagen.
Fredag 12. mai 2017
DILEMMA: Norge må enten bli med i Natos rakettskjold, eller skaffe sitt eget. I et gradert dokument beskriver Luftforsvaret enorme hull i dagens luftvern.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk