Mandag 30. januar 2006
For nynorsken i 100 år
Til helga blir det stor nynorskfest i hovudstaden. Det lovar daglege leiar i Noregs Mållag, Gro Morken Endresen.

Ein mørk nattetime inn i 5. januar 1906 greidde nynorskfolket å samla seg til ein organisasjon.

Då hadde mange lokale mållag vore aktive lenge, det var nær 60 år sidan Ivar Aasen publiserte «Det norske Folkesprogs Grammatik» og drygt 20 år etter at Stortinget vedtok å jamstilla nynorsk og bokmål.

Natt til sundag komande helg kan med andre ord Noregs Mållag feira 100 år. Det skjer naturleg nok på ein av dei institusjonane som Mållaget har vore med på å bygga opp – Det Norske Teateret i Oslo. Men alt før ein kjem så langt, vil feiringa vera i gang.

Frimerke og bok

– På onsdag legg Det norske Samlaget fram jubileumsboka, «Vilje til språk», ført i pennen av Ottar Grepstad, direktør ved Nynorsk kultursentrum i Ørsta. Til fredag kjem også ei vandreutstilling til Oslo, same dag som jubileumsfrimerket blir lansert, fortel Gro Morken Endresen.

På kvelden blir det stor fest, der ein av dei unge berarane av den nynorske kulturarven, forfattaren Olaug Nilssen, skal halda festtalen. Nilssen er også festspeldiktar under Dei nynorske festspela i Volda/Ørsta i juni. Eit arrangement der Noregs Mållag er tungt involvert i år.

– Mållaget vil altså signalisera at dei ser framover i jubileumsåret?

– Ja, i dag lanserer vi også ei skrivetevling, der ungdomsskule- og vidaregåandeelevar landet rundt blir inviterte til å skriva ein stil om «Språket mitt». Kåring av vinnarane vil skje under landsmøtet til Mållaget i Oslo i april i år.

– Det blir fleire større, sentrale markeringar, men rundt om i landet vil nok dei fleste oppleva jubileumsåret som ei rad varierte lokale- og regionale arrangement, seier Morken Endresen.

Språkleg offensiv

– Fest, frimerke og utstilling er slikt som høyrer til eit jubileum, men blir det nokre nye språkpolitiske satsingar i jubileumsåret?

– I dag offentleggjer vi jubileumsslagordet «Mange røyster – felles mål». Det er uttrykk for at Noregs Mållag er ein samnemnar for svært mange folk og aktivitetar. Vi vil i løpet av året dreia jubileet frå å vera ei feiring av organisasjonen til å bli ei feiring av nynorsken, fortel Morken Endresen, og presiserer:

– I dei hundre åra som har gått, har Noregs Mållag oftast kjempa for retten til å vera til som nynorskbrukar, i dag er det kulturelle og politiske klimaet annleis. Folk oppfattar tospråkssituasjonen i Noreg som det normale. Då gjeld det for Noregs Mållag å kjempa aktivt for ein praktisk språkpolitikk som samsvarar med ei ivaretaking og vidareutvikling av tospråkssituasjonen.

Noreg ei sinke

Gro Morken Endresen hevdar at Noreg ikkje lenger er det språkpolitiske føregangslandet det var på 1960- og 70-talet.

– På 1990-talet fekk mange europeiske land seg ein vekkjar. Dei oppdaga at det nasjonale språket var truga, ikkje minst frå engelsk, og fleire land har tatt tiltak for å tryggja språka sine i utdanningssektoren, på universiteta og i etermedia til dømes. Her er Noreg no vorten ei sinke i språkklassen.

Noregs Mållag vonar regjeringa vil følgja opp rapporten «Norsk i hundre!» som Norsk språkråd la fram i vinter, og at dei vil fremja ei stortingsmelding på grunnlag av denne rapporten og si eiga kunngjering i Soria Moria-erklæringa, der dei lovar å laga ei maktugreiing om språk.

– For Noregs Mållag sin del, vil det bli ei utfordring å ta tak i det som ikkje har med offentleg forvalting å gjera, slik som språksituasjonen i næringslivet og i folk si privatsfære. Det kan vera snakk om alt frå å hjelpa til med at den lokale Rimi-butikken kan tilby reklame på nynorsk til å syta for at mobiltelefonar får ei god nynorskordliste. Her har vi til no vore alt for bakpå, slår ein offensiv Gro Morken Endresen fast.

Artikkelen er oppdatert: 22. november 2007 kl. 19.34
Fredag 22. september 2017
På fem år er Bladcentralens salgsinntekter nesten blitt halvert. Nå tilbys alle ansatte sluttpakke.
Torsdag 21. september 2017
Fra nyttår inntar bokhandelen Tanum dagligvarehyllene til Coop. Forfatterforeningen frykter det vil gi danske tilstander på bokmarkedet.
Onsdag 20. september 2017
I dag mister 1,8 millioner nordmenn NRKs kanaler i FM-radioene sine. Kritikerne og optimistene er uenige i det meste om slukkingen av FM-­båndet, men enes om at det er bilistene som påvirkes mest.
Tirsdag 19. september 2017
Per Kleivas bilder vil leve videre etter at kunstneren døde i helga, fastslår kunsthistorikere. – Han var et av sin tids viktigste tidsvitner, med poetisk og poengtert slagkraft, sier Øivind Storm Bjerke.
Mandag 18. september 2017
Seks av ti norske annonsører har større tillit til annonsekvaliteten i norske medier enn i utenlandske. Et fåtall ser Google og Facebooks enorme vekst i det digitale annonsemarkedet som en fordel.
Lørdag 16. september 2017
Facebook og Google får stadig mer kontroll over nasjonale mediers forretningsmodell, ifølge dansk rapport. Torry Pedersen i Schibsted mener norske medie­hus må samarbeide tettere.
Fredag 15. september 2017
«Begynnelser» startar med slutten og arbeider seg bakover i tid. I sin nye roman granskar Carl Frode Tiller kva for val som avgjer kor vi endar opp i livet.
Torsdag 14. september 2017
En ny rapport slår fast at ti globale teknologi- og mediegiganter er i ferd med å få full kontroll over dansk mediebransje. Det haster å gjøre noe i Norge også, mener medietopper.
Onsdag 13. september 2017
Fremskrittspartiet fikk mer enn dobbelt så mange delinger og reaksjoner på Facebook som Ap i valgkampen.
Tirsdag 12. september 2017
Ti av landets tjue største aviser ga råd til sine lesere om hva de burde stemme under årets valg. Men redaktørene avviser at partipressen er på vei tilbake.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk