? Tida er mogen. No gjeld det å mobilisera folk på grasrota til forsvar for velferden. Dette seier SVs kommunalråd i Trondheim Knut Fagerbakke til Klassekampen. I går fekk han eit brutalt nedskjeringsbudsjett i fanget. Rådmannen vil leggja ned tre skular, 150 stillingar skal vekk i Trondheim, økonomien er i krise. ? Og regjeringa kjem ikkje med meir pengar. Erna Solberg er knallhard, seier Fagerbakke. No knyter han sitt håp til lokal aksjonisme. Han viser til vedtaket Folkeaksjonen for velferd, omfordeling og demokrati gjorde på Værnes tysdag, om at kommunane må setja opp budsjett som dekkjer lovpålagte oppgåver, også om det fører til underskot. Dette er vegen å gå, hevdar Fagerbakke, sjølv om underskotsbudsjettering er ulovleg etter Kommunelova. ? No må kommunane visa at vi ikkje finn oss i dette lenger. Den beste måten er å levera underskotsbudsjett. Vi får heller bli sett under administrasjon av staten, så kan Solberg ordna opp i budsjetta sjølv, seier Fagerbakke. Slik vil han få fram for befolkninga at ansvaret for nedskjeringane ikkje ligg lokalt, men på Stortinget. Standpunktet er kontroversielt i SV.? Totalt uansvarlegI Klassekampen onsdag uttalte stortingsrepresentant Heikki Holmås, som representerer SV i kommunalkomiteen, at partiet ikkje vil gå korkje for eller mot lokale underskotsbudsjett. Dette har også partileiar Kristin Halvorsen uttalt tidlegare. Fagerbakke er frustrert. ? Det ville definitivt hatt ein stor verknad om SV rikspolitisk gjekk ut med støtte til denne aksjonsforma. Eg vil oppmoda våre folk på Stortinget til å ta seg ein tur til Trondheim, Tromsø eller Bergen, så skal dei nok få eit råd om korleis partiet må stilla seg, seier han. Fagerbakke ber stortingsrepresentantane vera merksame på at kommunestyra er i ferd med å bryta den eine lova etter den andre, fordi lovpålagte tenestetilbod ikkje let seg halda oppe innanfor dei økonomiske rammene frå staten. ? Den einaste lova vi ikkje får bryta er Kommunelova. Men konsekvensen av såkalla ansvarlege budsjett er totalt uansvarleg, meiner kommunalråden. ? Det er på ingen måte SV si oppgåve å vera ansvarlege. Vår lojalitet skal liggja til befolkninga lokalt og ikkje til paragraf ditt og datt i Kommunelova, seier han.? Når vi spør SVs folk i kommunalkomiteen vil dei ikkje oppmoda til underskotsbudsjettering ? ? Du kan helsa dei at her i Trondheim er vi i alle fall ikkje i tvil.? Alle middel200 deltakarar vedtok oppmodinga om underskotsbudsjettering samrøystes på Værnes. Fagerbakke deltok på konferansen, og det gjorde mange Ap-medlemmar frå kommunestyrer og fagforbund også. Aps bystyrerepresentant Eilert Jan Lohne frå Bergen understreka at dette er snakk om lovstridig budsjettering, og at han verkeleg vona Aps folkevalde ville bli med på vedtaket. Det vart dei.? Lokalt i Ap har forståinga mange stader kome så langt at dei ikkje vil vera med på dette lenger. Ap på Stortinget har eg derimot null tru på, understrekar Fagerbakke. No vil han freista få med seg Ap i Trondheim på aksjonsplattforma frå Værnes.SVs kommuestyrerepresentant Rolf Ketil Bjørn i Tromsø seier han har blanda kjensler for underskotsbudsjettering.? Det er jo liten vits i å budsjettera med pengar ein ikkje har. Men om dette kan mobilisera press mot staten og hjelpa fram kampen, må det til, seier Bjørn, som har vore stortingsrepresentant i åtte år. ? Kva med at dette er lovstridig?? No er situasjonen så dramatisk i mange kommunar, et det held ikkje å køyra på slike paragrafar. Så lenge endeleg budsjett ikkje er vedteke i Stortinget, må vi i alle fall bruka alle middel vi kan for å leggja press, svarer Bjørn.

? Tida er mogen. No gjeld det å mobilisera folk på grasrota til forsvar for velferden. Dette seier SVs kommunalråd i Trondheim Knut Fagerbakke til Klassekampen. I går fekk han eit brutalt nedskjeringsbudsjett i fanget. Rådmannen vil leggja ned tre skular, 150 stillingar skal vekk i Trondheim, økonomien er i krise. ? Og regjeringa kjem ikkje med meir pengar. Erna Solberg er knallhard, seier Fagerbakke. No knyter han sitt håp til lokal aksjonisme. Han viser til vedtaket Folkeaksjonen for velferd, omfordeling og demokrati gjorde på Værnes tysdag, om at kommunane må setja opp budsjett som dekkjer lovpålagte oppgåver, også om det fører til underskot. Dette er vegen å gå, hevdar Fagerbakke, sjølv om underskotsbudsjettering er ulovleg etter Kommunelova. ? No må kommunane visa at vi ikkje finn oss i dette lenger. Den beste måten er å levera underskotsbudsjett. Vi får heller bli sett under administrasjon av staten, så kan Solberg ordna opp i budsjetta sjølv, seier Fagerbakke. Slik vil han få fram for befolkninga at ansvaret for nedskjeringane ikkje ligg lokalt, men på Stortinget. Standpunktet er kontroversielt i SV. ? Totalt uansvarlegI Klassekampen onsdag uttalte stortingsrepresentant Heikki Holmås, som representerer SV i kommunalkomiteen, at partiet ikkje vil gå korkje for eller mot lokale underskotsbudsjett. Dette har også partileiar Kristin Halvorsen uttalt tidlegare. Fagerbakke er frustrert. ? Det ville definitivt hatt ein stor verknad om SV rikspolitisk gjekk ut med støtte til denne aksjonsforma. Eg vil oppmoda våre folk på Stortinget til å ta seg ein tur til Trondheim, Tromsø eller Bergen, så skal dei nok få eit råd om korleis partiet må stilla seg, seier han. Fagerbakke ber stortingsrepresentantane vera merksame på at kommunestyra er i ferd med å bryta den eine lova etter den andre, fordi lovpålagte tenestetilbod ikkje let seg halda oppe innanfor dei økonomiske rammene frå staten. ? Den einaste lova vi ikkje får bryta er Kommunelova. Men konsekvensen av såkalla ansvarlege budsjett er totalt uansvarleg, meiner kommunalråden. ? Det er på ingen måte SV si oppgåve å vera ansvarlege. Vår lojalitet skal liggja til befolkninga lokalt og ikkje til paragraf ditt og datt i Kommunelova, seier han. ? Når vi spør SVs folk i kommunalkomiteen vil dei ikkje oppmoda til underskotsbudsjettering ? ? Du kan helsa dei at her i Trondheim er vi i alle fall ikkje i tvil. ? Alle middel200 deltakarar vedtok oppmodinga om underskotsbudsjettering samrøystes på Værnes. Fagerbakke deltok på konferansen, og det gjorde mange Ap-medlemmar frå kommunestyrer og fagforbund også. Aps bystyrerepresentant Eilert Jan Lohne frå Bergen understreka at dette er snakk om lovstridig budsjettering, og at han verkeleg vona Aps folkevalde ville bli med på vedtaket. Det vart dei.? Lokalt i Ap har forståinga mange stader kome så langt at dei ikkje vil vera med på dette lenger. Ap på Stortinget har eg derimot null tru på, understrekar Fagerbakke. No vil han freista få med seg Ap i Trondheim på aksjonsplattforma frå Værnes.SVs kommuestyrerepresentant Rolf Ketil Bjørn i Tromsø seier han har blanda kjensler for underskotsbudsjettering.? Det er jo liten vits i å budsjettera med pengar ein ikkje har. Men om dette kan mobilisera press mot staten og hjelpa fram kampen, må det til, seier Bjørn, som har vore stortingsrepresentant i åtte år. ? Kva med at dette er lovstridig?? No er situasjonen så dramatisk i mange kommunar, et det held ikkje å køyra på slike paragrafar. Så lenge endeleg budsjett ikkje er vedteke i Stortinget, må vi i alle fall bruka alle middel vi kan for å leggja press, svarer Bjørn.