Den moderne tid kjenner berre eit tilfelle då land på randa av krig greidde å ta eit steg attende og stoppe krigsmaskinene sine: Cuba-krisa i oktober 1962.
Boris KagarlitskijBush-administrasjonen har gjort det klart for heile verda at han har tenkt å gå til krig mot Irak. Men medan krig ser meir og meir uunngåeleg ut, har dei sanne årsakene til krigen og USA sine mål i Midtausten vorte vanskelegare å fatte dag for dag. Den offisielle amerikanske lina overfor Irak har vorte sett under kritikk av nær sagt alle. Sjølv om Saddam Hussein faktisk har store lager av masseøydeleggingsvåpen – slik USA held fram å hevde trass i mangelen på stadfesting frå FN sine våpeninspektørar på bakken – ville ikkje dette utgjere tilstrekkelege grunnar for å erklære krig. Det 20. hundreåret såg ei mengd diktatorar som væpna seg til tennene, men som ikkje vart invadert som ei følgje av dette, og lite har forandra seg i det 21. hundreåret.