Sparkar ballen til Høybråten
Administrerande direktør Leif Kapstad i Helse Førde legg ansvaret for planane om å leggja ned fødeavdelingar på staten.
? Det statlege normkravet er einaste grunnen til at administrasjonen i Helse Førde går inn for å gjera om fødeavdelinga i Lærdal til ei modifisert fødestove. Utan instruks om dette ovanfrå, ville omlegginga ikkje blitt føreslegen, seier Kapstad til lokalavisa Firda.
Instruksen er levert i form av eit måltal for talet på årlege fødslar ved fødeavdelingar. Statens helsetilsyn har kome opp med talet 400-500, som regjeringa og Stortinget seinare har slutta seg til som «veiledende for planleggingen av den framtidige fødselsomsorgen».
Omlag 50 prosent av fødeinstitusjonane i Noreg har under 500 fødslar i året. I Lærdal er det 250.
Ynskjer avklaring
Helse Vest, som styrer over Helse Førde, har tolka måltalet som eit pålegg. Etter at mange tusen sinte sogningar har demonstrert mot nedlegging av fødeavdelingar i Lærdal og på Nordfjordeid, vil styret i Helse Førde no ha ei klårgjering frå helseminister Dagfinn Høybråten (KrF).? Godtek departementet at fødeavdelingar kan ha så lågt fødselstal som i Lærdal, kjem omlegginga der i eit nytt lys, seier nestleiar i Helse Førde-styret Kjell Opseth. Han har til no stått hardt på for nedlegging.
Helse Førde sitt ynske om avklaring er truleg ikkje det helseministeren ynskjer seg aller mest, no som det kokar i mange lokalsamfunn der lokalsjukehuset kan mista vitale funksjonar. Eit viktig siktemål med den nye foretaksmodellen er å flytta endringsprosessane i sjukehusstrukturen ut av politisk forvalting og inn i profesjonelle styre. Dei lokale folkeaksjonane freistar no pressa saka inn i politiske organ, for å auka den politiske kostnaden ved å gjennomføra sentraliseringa.
Under demonstrasjonen i Narvik torsdag kveld, som samla fire tusen i fakkeltog, lova SVs stortingsrepresentant Geir Ketil Hansen å gå inn for at sjukehusstrukturen blir ei sak for Stortinget. Sp la inn eit framlegg om dette sist veke.
Torsdag gjekk også fleire tusen i demonstrasjon på Stokmarknes. I Vesterålen og i Ofoten er det samla inn 30.000 underskrifter til støtte for lokalsjukehusa.
Administrerande direktør Leif Kapstad i Helse Førde legg ansvaret for planane om å leggja ned fødeavdelingar på staten.
? Det statlege normkravet er einaste grunnen til at administrasjonen i Helse Førde går inn for å gjera om fødeavdelinga i Lærdal til ei modifisert fødestove. Utan instruks om dette ovanfrå, ville omlegginga ikkje blitt føreslegen, seier Kapstad til lokalavisa Firda.
Instruksen er levert i form av eit måltal for talet på årlege fødslar ved fødeavdelingar. Statens helsetilsyn har kome opp med talet 400-500, som regjeringa og Stortinget seinare har slutta seg til som « veiledende for planleggingen av den framtidige fødselsomsorgen».
Omlag 50 prosent av fødeinstitusjonane i Noreg har under 500 fødslar i året. I Lærdal er det 250.
Ynskjer avklaring
Helse Vest, som styrer over Helse Førde, har tolka måltalet som eit pålegg. Etter at mange tusen sinte sogningar har demonstrert mot nedlegging av fødeavdelingar i Lærdal og på Nordfjordeid, vil styret i Helse Førde no ha ei klårgjering frå helseminister Dagfinn Høybråten (KrF).
? Godtek departementet at fødeavdelingar kan ha så lågt fødselstal som i Lærdal, kjem omlegginga der i eit nytt lys, seier nestleiar i Helse Førde-styret Kjell Opseth. Han har til no stått hardt på for nedlegging.
Helse Førde sitt ynske om avklaring er truleg ikkje det helseministeren ynskjer seg aller mest, no som det kokar i mange lokalsamfunn der lokalsjukehuset kan mista vitale funksjonar. Eit viktig siktemål med den nye foretaksmodellen er å flytta endringsprosessane i sjukehusstrukturen ut av politisk forvalting og inn i profesjonelle styre. Dei lokale folkeaksjonane freistar no pressa saka inn i politiske organ, for å auka den politiske kostnaden ved å gjennomføra sentraliseringa.
Under demonstrasjonen i Narvik torsdag kveld, som samla fire tusen i fakkeltog, lova SVs stortingsrepresentant Geir Ketil Hansen å gå inn for at sjukehusstrukturen blir ei sak for Stortinget. Sp la inn eit framlegg om dette sist veke.
Torsdag gjekk også fleire tusen i demonstrasjon på Stokmarknes. I Vesterålen og i Ofoten er det samla inn 30.000 underskrifter til støtte for lokalsjukehusa.
