Ráđđehussii.

Mii leat čiekŋalit váivašuvvan Afghanistana dili dihte, mii lea hedjonan ovddeža ektui. Soahtedáhpáhusat leat lassáneame. Siviilaálbmot šaddá gillájeaddjin. Soahtehearrát leat nannen fámuset ja leat dál stáhtáeiseváldiid vuollásaččat. Narkomirkogávppašeapmi lea lassánan. Talibana fápmu nannejuvvo olgoriikkalaš soalddátjoavkkuid meannudeami geažil. Dan sadjái go galge čoavdit váttisvuođaid, sii leat baicca šaddan lassiváttisvuohtan. Sii leat soahtame soađi , maid eai sáhte vuoitit.

 ISAF-veagaid ulbmil lei álgoálggos jurddašuvvon nu ahte sii galge suodjalit siviila álbmoga dárbbuid. Dat lea dál oalát rievdan. Sis lea dál lagás ovttasbargu USA Operation Enduring Freedom –veagain, iige dál sáhte šat earuhit falleheaddji ja suodjaleaddji veagaid. ISAF-doaimma ulbmuil lea oalát rievdan Soria-Moria cealkámuša ektui. Ráđđehusa doarjja ferte dál danne ođđásit guorahallot.

 Mii geat leat dán cealkámuša vuolláičállit, ávžžuhit Ráđđehusa geahččalit oaččuhit NATO, nu jođánit go vejolaš, rievdadit sin strategiija ja loahpahit buot falleheaddji soahtamiid. Jus dat ii lihkostuva, de fertejit buot Norgga veagat geassádit eret Afghanistanas.