I morgon er det ekstraordinært styremøte i Helse Nord.

Konstituert administrerande direktør Finn Henry Hansen har laga ei innstilling til dette møtet som bøyer av for dei kraftfulle protestaksjonane som har blomstra i Stokmarknes, Narvik, Mosjøen og Sandnessjøen den siste månaden.

Dermed er situasjonen kraftig endra sidan rapportane om akuttberedskap og fødeavdelingar i Helse Nord kom i slutten av januar:

? Rapportane opna for å fjerna akuttkirurgi og fødeavdelingar ved to av tre sjukehus, både i Hålogaland og Helgeland.

? Styret i Helse Nord la deretter til grunn for vidare arbeid at eitt av tre sjukehus i begge områda skulle mista beredskapen.

? Innstillinga framfor styremøtet torsdag går inn for å fjerna også denne føresetnaden.

Dermed opnar direktøren for at alle sjukehusa i Helse Nord kan få halda oppe tilbodet til lokalbefolkninga.

Det er liten tvil om at protestaksjonane ligg bak snuoperasjonen i Helse Nord. Finn Henry Hansen opnar dokumentet sitt med å visa til «folkemøter, fakkeltog, en omfattende mediedebatt og underskriftslister».

Hansen understrekar at det må «søkes etter løsninger som kommer befolkningens behov for opplevelse av trygghet i møte».

Kutt i Mosjøen

Likevel kan ingen av dei omstridde lokalsjukehusa kjenna seg sikre. For det fyrste har ikkje styret i Helse Nord gjort vedtaket sitt enno, noko styreleiar Olav Helge Førde understrekar.

? Eg har ingen kommentar før vi kjenner utfallet av møtet. No held eg kjeft. Eg prøver, i alle fall, seier ein ordknapp Førde til Klassekampen.

For det andre legg innstillinga frå direktør Finn Henry Hansen ganske klart opp til ein reduksjon av tilbodet ved Vefsn sjukehus i Mosjøen. Den mest aktuelle løysinga i Mosjøen kan sjå ut til å bli at den kirurgiske akuttberedskapen forsvinn i helgene og etter arbeidstid på kvardagar.

? Det kan vi ikkje akseptera. Det er i praksis det same som ligg i det gamle forslaget, seier hovudtillitsvald for sjukepleiarane og medlem av aksjonskomiteen i Mosjøen, Sissel Aanes til Klassekampen.

Reisetida til Sandnessjøen er omlag ein time. I tillegg kjem opp til to timar reisetid til Mosjøen, frå visse område, seier Aanes.

? Og dersom dei legg ned akuttberedskap etter klokka 16, vil ikkje pasientar operert på dagtid ha nokon her til å ta seg av dei om det oppstår komplikasjonar. Det vil innsnevra kva vi kan gjera her og dermed skapa problem med rekrutteringa av kirurgar, legg ho til.

? Ein retrett

? Dette er ein retrett. Hålogaland-regionen ser ut til å bli bevart heilt og fullt, kommenterer sjukehusaktivist og RVs fylkestingsrepresentant i Troms Frode Bygdnes. Han går framleis mot eventuelle kutt i Mosjøen.

? Og så står vedtaket om sommarstenging av fødeavdelinga her i Harstad framleis ved lag. Det er urimeleg om styret i Helse Nord ikkje overprøver dette no, meiner Bygdnes.

Direktøren for Helse Nord vil gje helseforetaka for Hålogaland og Helgeland frist til 30. mai med å laga sine løysingar. Deretter skal styret i Helse Nord gjera vedtak 19. juni. Så vil helseminister Dagfinn Høybråten ta stilling til eventuelle større endringar, truleg i månadsskiftet juni/juli. På det tidspunktet har Stortinget teke ferie fram til oktober.

Glede i vest

? Det som skjer i Helse Nord no er imponerande. Det er veldig gledeleg om aksjonane der når fram, seier Siv Enerstvedt i aksjonen for fødeavdelinga i Lærdal til Klassekampen.

Aksjonistane frå Sogn og Fjordane møtte helseminister Dagfinn Høybråten sist fredag. Han viser ei mindre firkanta haldning enn styret i Helse Vest til kravet om minst 400 fødslar i året ved fødeavdelingar, rapporterer Enerstvedt.

? Så ting ser ljosare ut no enn i januar. Men vi er veldig medvitne om at striden langt frå er vunne, legg ho til.

Helse Førde, som styrer over Lærdal, har «dialogkonferanse» med sine høyringsinstansar fredag denne veka. Foretaket lagar si innstilling mot slutten av mai. Den går til styret i Helse Vest, som 11. juni gjer sine vedtak om lokalsjukehusa i Rogaland, Hordaland og Sogn og Fjordane.

I morgon er det ekstraordinært styremøte i Helse Nord.

Konstituert administrerande direktør Finn Henry Hansen har laga ei innstilling til dette møtet som bøyer av for dei kraftfulle protestaksjonane som har blomstra i Stokmarknes, Narvik, Mosjøen og Sandnessjøen den siste månaden.

Dermed er situasjonen kraftig endra sidan rapportane om akuttberedskap og fødeavdelingar i Helse Nord kom i slutten av januar:

? Rapportane opna for å fjerna akuttkirurgi og fødeavdelingar ved to av tre sjukehus, både i Hålogaland og Helgeland.

? Styret i Helse Nord la deretter til grunn for vidare arbeid at eitt av tre sjukehus i begge områda skulle mista beredskapen.

? Innstillinga framfor styremøtet torsdag går inn for å fjerna også denne føresetnaden.

Dermed opnar direktøren for at alle sjukehusa i Helse Nord kan få halda oppe tilbodet til lokalbefolkninga.

Det er liten tvil om at protestaksjonane ligg bak snuoperasjonen i Helse Nord. Finn Henry Hansen opnar dokumentet sitt med å visa til «folkemøter, fakkeltog, en omfattende mediedebatt og underskriftslister».

Hansen understrekar at det må «søkes etter løsninger som kommer befolkningens behov for opplevelse av trygghet i møte».

Kutt i Mosjøen
Likevel kan ingen av dei omstridde lokalsjukehusa kjenna seg sikre. For det fyrste har ikkje styret i Helse Nord gjort vedtaket sitt enno, noko styreleiar Olav Helge Førde understrekar.

? Eg har ingen kommentar før vi kjenner utfallet av møtet. No held eg kjeft. Eg prøver, i alle fall, seier ein ordknapp Førde til Klassekampen.

For det andre legg innstillinga frå direktør Finn Henry Hansen ganske klart opp til ein reduksjon av tilbodet ved Vefsn sjukehus i Mosjøen. Den mest aktuelle løysinga i Mosjøen kan sjå ut til å bli at den kirurgiske akuttberedskapen forsvinn i helgene og etter arbeidstid på kvardagar.

? Det kan vi ikkje akseptera. Det er i praksis det same som ligg i det gamle forslaget, seier hovudtillitsvald for sjukepleiarane og medlem av aksjonskomiteen i Mosjøen, Sissel Aanes til Klassekampen.

Reisetida til Sandnessjøen er omlag ein time. I tillegg kjem opp til to timar reisetid til Mosjøen, frå visse område, seier Aanes.

? Og dersom dei legg ned akuttberedskap etter klokka 16, vil ikkje pasientar operert på dagtid ha nokon her til å ta seg av dei om det oppstår komplikasjonar. Det vil innsnevra kva vi kan gjera her og dermed skapa problem med rekrutteringa av kirurgar, legg ho til.

? Ein retrett
? Dette er ein retrett. Hålogaland-regionen ser ut til å bli bevart heilt og fullt, kommenterer sjukehusaktivist og RVs fylkestingsrepresentant i Troms Frode Bygdnes. Han går framleis mot eventuelle kutt i Mosjøen.

? Og så står vedtaket om sommarstenging av fødeavdelinga her i Harstad framleis ved lag. Det er urimeleg om styret i Helse Nord ikkje overprøver dette no, meiner Bygdnes.

Direktøren for Helse Nord vil gje helseforetaka for Hålogaland og Helgeland frist til 30. mai med å laga sine løysingar. Deretter skal styret i Helse Nord gjera vedtak 19. juni. Så vil helseminister Dagfinn Høybråten ta stilling til eventuelle større endringar, truleg i månadsskiftet juni/juli. På det tidspunktet har Stortinget teke ferie fram til oktober.

Glede i vest
? Det som skjer i Helse Nord no er imponerande. Det er veldig gledeleg om aksjonane der når fram, seier Siv Enerstvedt i aksjonen for fødeavdelinga i Lærdal til Klassekampen.

Aksjonistane frå Sogn og Fjordane møtte helseminister Dagfinn Høybråten sist fredag. Han viser ei mindre firkanta haldning enn styret i Helse Vest til kravet om minst 400 fødslar i året ved fødeavdelingar, rapporterer Enerstvedt.

? Så ting ser ljosare ut no enn i januar. Men vi er veldig medvitne om at striden langt frå er vunne, legg ho til.

Helse Førde, som styrer over Lærdal, har «dialogkonferanse» med sine høyringsinstansar fredag denne veka. Foretaket lagar si innstilling mot slutten av mai. Den går til styret i Helse Vest, som 11. juni gjer sine vedtak om lokalsjukehusa i Rogaland, Hordaland og Sogn og Fjordane.