Tore Tønne gjekk frå posisjonen som administererande direktør i Kjell Inge Røkkes Norway Seafoods til posisjonen som helseminister i regjeringa Stoltenberg. Tønne regisserte ei reform som oppretta «profesjonelle styre» i helsevesenet, og fjerna dei lokale folkevalde frå alle posisjonar. No marsjerer fleire direktørar frå Norway Seafoods inn i Helse Nord.

Den nye direktøren ved sjukehuset på Stokmarknes heiter Jan Steffensen. Han kjem frå stillinga som administrerande direktør og driftssjef ved Havfisk AS i Melbu, som inngår i Norway Seafoods.

Styret i foretaket Hålogalandsykehuset, der Stokmarknes inngår, reklamerer med at Steffensen «har bred økonomisk utdannelse og yrkeserfaring».

Som direktør ved Stokmarknes, eit sjukehus der legane slåst hardt mot nedlegging av akuttberedskap og fødeavdeling, blir Steffensen også ein del av foretaksleiinga i Hålogalandssykehuset. Dette foretaket styrer også Narvik og Harstad.

Forretningsmann

Når Steffensen blir direktør, går han samtidig ut av styret i Hålogalandsykehuset. Helse Nord har funne ein verdig arvtakar.

Nytt styremedlem er Pål Krüger, tidlegare administrerande direktør i Melbu Fiskeindustri. Dette selskapet er også ein del av Norway Seafoods.

Krüger driv også eigne forretningar. Han er styreleiar i personleg heileigde selskap, som Norwegian Russian Trade. Dette selskapet handlar fisk med Russland, og hadde ein omsetnad på 180 milliardar i 2001. Krüger eig også Melbu Systems, som har 33 tilsette, og har styreverv i Lofoten trålerrederi, Nord-Cargo ASA og Uniprawns i Tromsø.

Krüger har vore visepresident i Næringslivets Hovedorganisasjon (NHO) og medlem av NHO-leiinga i perioden 1991 til 1996. No skal også helsevesenet i Hålogaland nyta godt av evnene hans.

Rikfolk

Likningstala viser at Jan Steffensen hadde 597.000 kroner i skattbar inntekt i 2001. Normalt ligg brutto inntekt då i overkant av 700.000 kroner.

Pål Krüger hadde berre 16.400 kroner i skattbar inntekt i 2001, og 0 kroner i formue. Til gjengjeld betalte han 292.726 kroner i skatt.

? Kor mykje tener du eigentleg, Krüger?

? Nei, nei, det kan du berre gløyma. Det seier eg jo ikkje til deg.

? Å?

? Ja, kva er sjølvmeldinga di, då?

? Eg tente 250.000, kanskje.

? Klikk.

Som Klassekampen dokumenterte 11. mars, ligg inntektsnivået til styremedlemmane i dei fem regionale helseforetaka skyhøgt over befolkninga dei er sett til å tena. Gjennomsnitts brutto inntekt hos dei 29 regjeringsoppnemnde styremedlemmane ligg rundt 870.000 kroner i året. Halvparten av dei tener over 680.000 kroner.

Tore Tønne gjekk frå posisjonen som administererande direktør i Kjell Inge Røkkes Norway Seafoods til posisjonen som helseminister i regjeringa Stoltenberg. Tønne regisserte ei reform som oppretta «profesjonelle styre» i helsevesenet, og fjerna dei lokale folkevalde frå alle posisjonar. No marsjerer fleire direktørar frå Norway Seafoods inn i Helse Nord.

Den nye direktøren ved sjukehuset på Stokmarknes heiter Jan Steffensen. Han kjem frå stillinga som administrerande direktør og driftssjef ved Havfisk AS i Melbu, som inngår i Norway Seafoods.

Styret i foretaket Hålogalandsykehuset, der Stokmarknes inngår, reklamerer med at Steffensen «har bred økonomisk utdannelse og yrkeserfaring».

Som direktør ved Stokmarknes, eit sjukehus der legane slåst hardt mot nedlegging av akuttberedskap og fødeavdeling, blir Steffensen også ein del av foretaksleiinga i Hålogalandssykehuset. Dette foretaket styrer også Narvik og Harstad.

Forretningsmann
Når Steffensen blir direktør, går han samtidig ut av styret i Hålogalandsykehuset. Helse Nord har funne ein verdig arvtakar.

Nytt styremedlem er Pål Krüger, tidlegare administrerande direktør i Melbu Fiskeindustri. Dette selskapet er også ein del av Norway Seafoods.

Krüger driv også eigne forretningar. Han er styreleiar i personleg heileigde selskap, som Norwegian Russian Trade. Dette selskapet handlar fisk med Russland, og hadde ein omsetnad på 180 milliardar i 2001. Krüger eig også Melbu Systems, som har 33 tilsette, og har styreverv i Lofoten trålerrederi, Nord-Cargo ASA og Uniprawns i Tromsø.

Krüger har vore visepresident i Næringslivets Hovedorganisasjon (NHO) og medlem av NHO-leiinga i perioden 1991 til 1996. No skal også helsevesenet i Hålogaland nyta godt av evnene hans.

Rikfolk
Likningstala viser at Jan Steffensen hadde 597.000 kroner i skattbar inntekt i 2001. Normalt ligg brutto inntekt då i overkant av 700.000 kroner.

Pål Krüger hadde berre 16.400 kroner i skattbar inntekt i 2001, og 0 kroner i formue. Til gjengjeld betalte han 292.726 kroner i skatt.

? Kor mykje tener du eigentleg, Krüger?

? Nei, nei, det kan du berre gløyma. Det seier eg jo ikkje til deg.

? Å?

? Ja, kva er sjølvmeldinga di, då?

? Eg tente 250.000, kanskje.

? Klikk.

Som Klassekampen dokumenterte 11. mars, ligg inntektsnivået til styremedlemmane i dei fem regionale helseforetaka skyhøgt over befolkninga dei er sett til å tena. Gjennomsnitts brutto inntekt hos dei 29 regjeringsoppnemnde styremedlemmane ligg rundt 870.000 kroner i året. Halvparten av dei tener over 680.000 kroner.