I dag skal styret i Helse Vest RHF gjera vedtak om framtidig sjukehusstruktur for heile regionen (Sogn og Fjordane, Hordaland og Rogaland), og administrerande direktør i Helse Vest tilrår at styret sluttar seg til dei vedtaka som dei siste vekene er gjort i dei ulike helseføretaka.

Det føretaket som har hausta mest storm lokalt, er Helse Førde, der styret går inn for både å leggja ned sjukehuset i Florø, leiga det ut til private aktørar, og å gjera fødeavdelinga i Lærdal om til modifisert fødestove.

Jordmødrene i Lærdal har varsla at dei kjem til å seia opp jobbane sine dersom vedtaket blir gjennomført.

Medan nedleggingsvedtaket for Florø-sjukehuset og fødeavdelinga i Lærdal er gjort med fem mot fire røyster, er det eit samrøystes styre som går inn for at Florø-sjukehuset skal leigast ut til private aktørar innanfor elektiv kirurgisk/ortopedisk verksemd. Det opprinneleg danske firmaet Transmedica skal vera den aktuelle private aktøren.

Gunn Jansen, leiar for Sjukehusaksjonen i Florø, stiller seg undrande til framlegget om privatisering.

? Styret i Helse Førde seier dei skal spara pengar på å leggja ned sjukehuset i Florø, og det blir argumentert med at det er nok kapasitet ved andre sjukehus. Korleis kan det da vera interessant for eit privat firma å starta opp for å utføra dei same tenestene, spør Jansen.

Amputasjon

Overlege Jens Evjensvold ved Fylkessjukehuset i Førde (FSS) er ein av dei som reagerer sterkt på vedtaket om å leggja den kirurgiske verksemda ved sjukehuset i Florø. I eit ope brev til styremedlemmene i Helse Vest seier han mellom anna at å leggja ned den kirurgiske verksemda ved sjukehuset i Florø (som er ei avdeling av FSS), er som å amputera ein fot på den kirurgiske lekamen til FSS.

? Framlegget om å leggja ned for så å leiga ut sjukehuset i Florø til private aktørar er ei sjølvmotseiing, og uforståeleg for oss som arbeider i det offentlege helsevesenet, seier Evjensvold til Klassekampen. Han viser til at Helse Vest også har inngått avtalar med fire private klinikkar i Bergen og Oslo, og ei rekkje private spesialistar, som alle er presenterte i «Kirurgiguiden 2003».

? Storparten av dei dagkirurgiske tenestene som er presenterte i Kirurgiguiden, er tenester vi i dag kan utføra ved sjukehuset i Florø, seier overlegen.

? Oppfattar du dette som tiltak frå Helse Vest si side for å overføra meir av helsetenestene frå det offentlege helsevesenet til private aktørar?

? For meg er det opplagt at det er det, seier Evjensvold.

Tvilsame tal

Åse Helen Aarflot, hovudtillitsvald for Norsk Sjukepleiarforbund (NSF) i Helse Førde, stiller seg tvilande til det talmaterialet som er lagt til grunn for vedtaket frå Helse Førde, og som administrasjonen i Helse Vest no vil vidareføra.

? Dei tala som har blitt lagt til grunn for den økonomiske vurderinga av sjukehuset i Florø, er henta frå ein periode med ombygging og uvanleg få pasientar i sjukehuset, seier Aarflot.

Ho meiner også det er ein uryddig prosess som har vore gjennomført i denne samanhengen.

? Vi har opplevd at møtereferat i samband med prosessen har blitt trekte tilbake av prosjektleiinga og skrivne om, slik at dei skulle «passa betre inn». Sånt gjer at vi som tillitsvalde blir mistenksame i forhold til kva det eigentleg er som går føre seg, seier Aarflot til Klassekampen.

Helseminister Dagfinn Høybråten uttalte i møte med Folkeaksjonen for lokalsjukehusa for to veker sia at med den kunnskapen han da hadde om Transmedica, var det ikkje aktuelt for han å gi denne private aktøren godkjenning for sjukehusdrift. Frå Helsedepartementet fekk vi i går opplyst at helseministeren ikkje kommenterer styresaka før i føretaksmøte 18.juni. Styreleiar og administrerande direktør i Helse Vest var ikkje tilgjengelege for kommentarar tysdag.

Sjukehusaksjon i Nordland

Tilhengarar av fullverdige kirugiske avdelingar og fødeavdelingar vil i dag demonstrera si mening fleire stader nord i Nordland.

Aksjonistane ønskjer å vise si støtte til styrevedtaket i Hålogalandsykehuset om likeverdige og fullverdige avdelingar ved sjukehusa i Harstad, Narvik og Stokmarknes.

Varehusa Skibsgården, Galleriet og Torleif Steiro på Sortland har lagt opp til redusert handelsverksemd mellom kl 12 og 12.30 i dag. Det same skjer på Stokmarknes. I staden for vanleg aktivitet blir dei tilsette som har høve til det, handlande og andre som er i sentrum, oppmoda til å samla seg på Torget på Sortland for å vera med på Sykehusets Venner si markering.

Liknande arrangement blir gjennomført i Narvik.

18. juni skal styret i Helse Nord RHF på styremøte i Bodø gjera vedtak om sjukehusstruktur og helsetilbod ved sjukehusa i nord. Sist veke gjorde styrefleirtalet i Hålogalandsykehuset HF eit vedtak ? mot administrasjonen si tilråding ? om å oppretthalda fødeavdelinga ved sjukehuset i Narvik.

I dag skal styret i Helse Vest RHF gjera vedtak om framtidig sjukehusstruktur for heile regionen (Sogn og Fjordane, Hordaland og Rogaland), og administrerande direktør i Helse Vest tilrår at styret sluttar seg til dei vedtaka som dei siste vekene er gjort i dei ulike helseføretaka.

Det føretaket som har hausta mest storm lokalt, er Helse Førde, der styret går inn for både å leggja ned sjukehuset i Florø, leiga det ut til private aktørar, og å gjera fødeavdelinga i Lærdal om til modifisert fødestove.

Jordmødrene i Lærdal har varsla at dei kjem til å seia opp jobbane sine dersom vedtaket blir gjennomført.
Medan nedleggingsvedtaket for Florø-sjukehuset og fødeavdelinga i Lærdal er gjort med fem mot fire røyster, er det eit samrøystes styre som går inn for at Florø-sjukehuset skal leigast ut til private aktørar innanfor elektiv kirurgisk/ortopedisk verksemd. Det opprinneleg danske firmaet Transmedica skal vera den aktuelle private aktøren.

Gunn Jansen, leiar for Sjukehusaksjonen i Florø, stiller seg undrande til framlegget om privatisering.

? Styret i Helse Førde seier dei skal spara pengar på å leggja ned sjukehuset i Florø, og det blir argumentert med at det er nok kapasitet ved andre sjukehus. Korleis kan det da vera interessant for eit privat firma å starta opp for å utføra dei same tenestene, spør Jansen.

Amputasjon
Overlege Jens Evjensvold ved Fylkessjukehuset i Førde (FSS) er ein av dei som reagerer sterkt på vedtaket om å leggja den kirurgiske verksemda ved sjukehuset i Florø. I eit ope brev til styremedlemmene i Helse Vest seier han mellom anna at å leggja ned den kirurgiske verksemda ved sjukehuset i Florø (som er ei avdeling av FSS), er som å amputera ein fot på den kirurgiske lekamen til FSS.

? Framlegget om å leggja ned for så å leiga ut sjukehuset i Florø til private aktørar er ei sjølvmotseiing, og uforståeleg for oss som arbeider i det offentlege helsevesenet, seier Evjensvold til Klassekampen. Han viser til at Helse Vest også har inngått avtalar med fire private klinikkar i Bergen og Oslo, og ei rekkje private spesialistar, som alle er presenterte i «Kirurgiguiden 2003».

? Storparten av dei dagkirurgiske tenestene som er presenterte i Kirurgiguiden, er tenester vi i dag kan utføra ved sjukehuset i Florø, seier overlegen.

? Oppfattar du dette som tiltak frå Helse Vest si side for å overføra meir av helsetenestene frå det offentlege helsevesenet til private aktørar?

? For meg er det opplagt at det er det, seier Evjensvold.

Tvilsame tal
Åse Helen Aarflot, hovudtillitsvald for Norsk Sjukepleiarforbund (NSF) i Helse Førde, stiller seg tvilande til det talmaterialet som er lagt til grunn for vedtaket frå Helse Førde, og som administrasjonen i Helse Vest no vil vidareføra.

? Dei tala som har blitt lagt til grunn for den økonomiske vurderinga av sjukehuset i Florø, er henta frå ein periode med ombygging og uvanleg få pasientar i sjukehuset, seier Aarflot.

Ho meiner også det er ein uryddig prosess som har vore gjennomført i denne samanhengen.

? Vi har opplevd at møtereferat i samband med prosessen har blitt trekte tilbake av prosjektleiinga og skrivne om, slik at dei skulle «passa betre inn». Sånt gjer at vi som tillitsvalde blir mistenksame i forhold til kva det eigentleg er som går føre seg, seier Aarflot til Klassekampen.

Helseminister Dagfinn Høybråten uttalte i møte med Folkeaksjonen for lokalsjukehusa for to veker sia at med den kunnskapen han da hadde om Transmedica, var det ikkje aktuelt for han å gi denne private aktøren godkjenning for sjukehusdrift. Frå Helsedepartementet fekk vi i går opplyst at helseministeren ikkje kommenterer styresaka før i føretaksmøte 18.juni. Styreleiar og administrerande direktør i Helse Vest var ikkje tilgjengelege for kommentarar tysdag.

Sjukehusaksjon i Nordland
Tilhengarar av fullverdige kirugiske avdelingar og fødeavdelingar vil i dag demonstrera si mening fleire stader nord i Nordland.

Aksjonistane ønskjer å vise si støtte til styrevedtaket i Hålogalandsykehuset om likeverdige og fullverdige avdelingar ved sjukehusa i Harstad, Narvik og Stokmarknes.

Varehusa Skibsgården, Galleriet og Torleif Steiro på Sortland har lagt opp til redusert handelsverksemd mellom kl 12 og 12.30 i dag. Det same skjer på Stokmarknes. I staden for vanleg aktivitet blir dei tilsette som har høve til det, handlande og andre som er i sentrum, oppmoda til å samla seg på Torget på Sortland for å vera med på Sykehusets Venner si markering.

Liknande arrangement blir gjennomført i Narvik.

18. juni skal styret i Helse Nord RHF på styremøte i Bodø gjera vedtak om sjukehusstruktur og helsetilbod ved sjukehusa i nord. Sist veke gjorde styrefleirtalet i Hålogalandsykehuset HF eit vedtak ? mot administrasjonen si tilråding ? om å oppretthalda fødeavdelinga ved sjukehuset i Narvik.