14. oktober fatta sekretariatet i Max Havelaar mistanke. Dagleg leiar var på haustferie, og ein annan av dei tilsette måtte gå igjennom bankbilaga. Som ikkje såg heilt gode ut.

- Det ser ut til at han har tatt ut store summar både med minibankkort og ved overføring til eigne konti. Deretter har skrive reiserekningar for reiser som aldri har funne stad og forfalska rekningar frå leverandørar, ser det ut til. Det som er skjedd er tragisk, seier styreleiar Fredrik Glad-Gjernes i Stiftelsen Max Havelaar Norge til Klassekampen. Max Havelaar er eit garantimerke for «god handel mellom nord og sør», som skal «sikre at småprodusenter og plantasjearbeidere i utviklingsland får gode handelsbetingelser og tryggere sosiale vilkår».

Dagleg leiar vedgjekk underslag i eit møte 15. oktober. Styret for Max Havelaar ba revisjonsfirmaet PricewaterhouseCoopers gå igjennom bilaga. Rapporten frå selskapet estimerer at mellom ein og halvannan million kroner er underslått.

Passerte revisorkontroll

Pengane skulle gått til opplysningsarbeid og promovering av Max Havelaar i Noreg. Dei kjem frå tre kjelder: Norad, dei stiftane organisasjonane og ei avgift på to kroner per selde kilo kaffe, frå konsumentane.

- Vi understrekar at produsentane i sør har fått alle pengane sine. Det som er underslått skulle gått til arbeidet vårt her i Noreg, seier Glad-Gjernes.

Underslaga skal ha skjedd både i 2002, 2003 og 2004. Dei falske bilaga har passert kontrollen til revisor to år på rad. KPMG har stått for revisjonen.

- Vi må setja spørjeteikn ved kva KPMG driv med. No ber vi om ei forklaring. Deretter vil vi søkja juridiske råd om det er sånn revisor også har eit ansvar for det som er skjedd, opplyser styreleiaren.

Den politimeldte leiaren har jobba for Max Havelaar i seks år. Han kom til jobben frå ei stilling i det private næringslivet.

- Han samarbeider, og vil betala tilbake det han har tatt, seier Glad-Gjernes.

@sitat:«Det som er underslått skulle gått til arbeidet vårt her i Noreg»

Fredrik Glad-Gjernes, styreleiar i Stiftelsen Max Havelaar

@

14. oktober fatta sekretariatet i Max Havelaar mistanke. Dagleg leiar var på haustferie, og ein annan av dei tilsette måtte gå igjennom bankbilaga. Som ikkje såg heilt gode ut.

- Det ser ut til at han har tatt ut store summar både med minibankkort og ved overføring til eigne konti. Deretter har skrive reiserekningar for reiser som aldri har funne stad og forfalska rekningar frå leverandørar, ser det ut til. Det som er skjedd er tragisk, seier styreleiar Fredrik Glad-Gjernes i Stiftelsen Max Havelaar Norge til Klassekampen. Max Havelaar er eit garantimerke for «god handel mellom nord og sør», som skal «sikre at småprodusenter og plantasjearbeidere i utviklingsland får gode handelsbetingelser og tryggere sosiale vilkår».

Dagleg leiar vedgjekk underslag i eit møte 15. oktober. Styret for Max Havelaar ba revisjonsfirmaet PricewaterhouseCoopers gå igjennom bilaga. Rapporten frå selskapet estimerer at mellom ein og halvannan million kroner er underslått.

Passerte revisorkontroll
Pengane skulle gått til opplysningsarbeid og promovering av Max Havelaar i Noreg. Dei kjem frå tre kjelder: Norad, dei stiftane organisasjonane og ei avgift på to kroner per selde kilo kaffe, frå konsumentane.

- Vi understrekar at produsentane i sør har fått alle pengane sine. Det som er underslått skulle gått til arbeidet vårt her i Noreg, seier Glad-Gjernes.

Underslaga skal ha skjedd både i 2002, 2003 og 2004. Dei falske bilaga har passert kontrollen til revisor to år på rad. KPMG har stått for revisjonen.

- Vi må setja spørjeteikn ved kva KPMG driv med. No ber vi om ei forklaring. Deretter vil vi søkja juridiske råd om det er sånn revisor også har eit ansvar for det som er skjedd, opplyser styreleiaren.

Den politimeldte leiaren har jobba for Max Havelaar i seks år. Han kom til jobben frå ei stilling i det private næringslivet.

- Han samarbeider, og vil betala tilbake det han har tatt, seier Glad-Gjernes.
@sitat:«Det som er underslått skulle gått til arbeidet vårt her i Noreg»
Fredrik Glad-Gjernes, styreleiar i Stiftelsen Max Havelaar
@