Ernst & Young var hyra inn som finansiell rådgjevar for den skotske kommunen Fife. Ti flunkande nye skulebygg skulle bli til gjennom offentleg privat samarbeid (OPS).

Blant selskapa som ville slå kloa i kontrakten, verdt omlag 650 millionar kroner, var storentreprenøren Jarvis.

Våren 2003 oppdaga kommunestyret at Ernst & Young (E&Y) var revisoren til Jarvis. I tillegg selde E&Y også andre tenester til selskapet, som totalt betalte rundt 25 millionar kroner til E&Y i 2002.

- Ernst & Young var i ei dobbeltrolle. Det var ein openberr interessekonflikt, seier Andrew D. Arbuckle frå Liberaldemokratane til Klassekampen.

Arbuckle viser til at E&Y opererte både som rådgjevar og revisor for ein av dei sentrale tilbydarane.

- Vi kasta dei ut utan nøling. Det er snakk om store summar her, og vi må ha visse standardar.

59-åringen har vore folkevald i Fife i 18 år. Fife har rundt 350.000 innbyggjarar.

Oppdaga det sjølv

Då EY konkurrerte om oppdraget som OPS-rådgjevar for skuleprosjektet i Fife, erklærte firmaet at «Vi er ikkje kjent med potensielle interessekonflikter i dette oppdraget».

Det var kommunen sjølv som etter kvart oppdaga at denne erklæringa var litt upresis. Då tok Fife affære.

- Hadde dei opplyst frå starten at dei arbeidde for Jarvis, hadde det aldri kome på tale å hyra inn Ernst Young, seier Arbuckle i dag.

I vedtaket frå 26. juni 2003 «inviterer» Fife EY til å trekkja seg frå oppdraget som finansiell rådgjevar, eller å avslutta samarbeidet med interessentane i OPS-prosessen.

Dette var eit samrøystes vedtak frå kommunestyret.

- Privat sektor vart nok ganske overraska over at offentleg sektor gjekk så offensivt til verks. Men kommunestyret meinte at dobbeltrolla til Ernst Young, spesielt når selskapet fyrst ikkje opplyste om situasjonen, hadde påverka relasjonen mellom Fife og Ernst Young på ein alvorleg måte, kommenterer Morag Wallace, som er OPS-ansvarleg i kommunen.

Motsett haldning

28. august i fjor kunngjorde EY at selskapet trakk seg frå rågjevaroppdraget i Fife «på grunn av ein potensiell interessekonflikt».

Men i Noreg har EY stikk motsette haldning:

Her har selskapet vore nært involvert i dei to fyrste vegutbyggingane etter OPS-modellen. I begge tilfella har milliardkontraktane gått til selskap der EY no er revisor (sjå eiga sak).

Både Vegdirektoratet og administrerande direktør Torstein Hokholt i EY Noreg avviser at det finst noko problematisk ved at EY som rådgjevar for staten kan bidra til å gje kontraktar til selskap EY får oppdrag frå som revisor.

Rolla som revisor i slike tilfelle «er etter vår vurdering uansett helt uproblematisk», kommenterte Hokholt i Klassekampen i går.

Ernst Young var hyra inn som finansiell rådgjevar for den skotske kommunen Fife. Ti flunkande nye skulebygg skulle bli til gjennom offentleg privat samarbeid (OPS).

Blant selskapa som ville slå kloa i kontrakten, verdt omlag 650 millionar kroner, var storentreprenøren Jarvis.

Våren 2003 oppdaga kommunestyret at Ernst Young (EY) var revisoren til Jarvis. I tillegg selde EY også andre tenester til selskapet, som totalt betalte rundt 25 millionar kroner til EY i 2002.

- Ernst Young var i ei dobbeltrolle. Det var ein openberr interessekonflikt, seier Andrew D. Arbuckle frå Liberaldemokratane til Klassekampen.

Arbuckle viser til at EY opererte både som rådgjevar og revisor for ein av dei sentrale tilbydarane.

- Vi kasta dei ut utan nøling. Det er snakk om store summar her, og vi må ha visse standardar.

59-åringen har vore folkevald i Fife i 18 år. Fife har rundt 350.000 innbyggjarar.

Oppdaga det sjølv
Då EY konkurrerte om oppdraget som OPS-rådgjevar for skuleprosjektet i Fife, erklærte firmaet at «Vi er ikkje kjent med potensielle interessekonflikter i dette oppdraget».

Det var kommunen sjølv som etter kvart oppdaga at denne erklæringa var litt upresis. Då tok Fife affære.

- Hadde dei opplyst frå starten at dei arbeidde for Jarvis, hadde det aldri kome på tale å hyra inn Ernst Young, seier Arbuckle i dag.

I vedtaket frå 26. juni 2003 «inviterer» Fife EY til å trekkja seg frå oppdraget som finansiell rådgjevar, eller å avslutta samarbeidet med interessentane i OPS-prosessen.

Dette var eit samrøystes vedtak frå kommunestyret.

- Privat sektor vart nok ganske overraska over at offentleg sektor gjekk så offensivt til verks. Men kommunestyret meinte at dobbeltrolla til Ernst Young, spesielt når selskapet fyrst ikkje opplyste om situasjonen, hadde påverka relasjonen mellom Fife og Ernst Young på ein alvorleg måte, kommenterer Morag Wallace, som er OPS-ansvarleg i kommunen.

Motsett haldning
28. august i fjor kunngjorde EY at selskapet trakk seg frå rågjevaroppdraget i Fife «på grunn av ein potensiell interessekonflikt».

Men i Noreg har EY stikk motsette haldning:

Her har selskapet vore nært involvert i dei to fyrste vegutbyggingane etter OPS-modellen. I begge tilfella har milliardkontraktane gått til selskap der EY no er revisor (sjå eiga sak).

Både Vegdirektoratet og administrerande direktør Torstein Hokholt i EY Noreg avviser at det finst noko problematisk ved at EY som rådgjevar for staten kan bidra til å gje kontraktar til selskap EY får oppdrag frå som revisor.

Rolla som revisor i slike tilfelle «er etter vår vurdering uansett helt uproblematisk», kommenterte Hokholt i Klassekampen i går.