Det er ikkje kvar dag at redaktør Trygve Hegnar i Finansavisen seier noko negativt om privatisering. Det er heller ikkje kvar dag han seier noko positivt om Jan Davidsen, leiar for Noregs største fagorganisasjon Fagforbundet. Men på leiarplass i Finansavisen i går skjedde det.

«Vi synes, for en gangs skyld, at Davidsen har et poeng,» skriv Hegnar.

Davidsen hevda i Klassekampen tysdag at «Offentleg Privat Samarbeid er eit tiltak for at private kapitalinteresser skal få mjølka offentlege budsjett». Ved Offentleg Privat Samarbeid (OPS) får private selskap byggja og driva offentlege anlegg, som kommunen eller staten leiger tilbake.

- Store utslag

Kommunekreditt AS har rekna ut at OPS-utbygginga av Røa skule i Oslo kan bli over 100 millionar kroner dyrare over 25 år enn om kommunen hadde eigd bygget sjølv. Ein viktig årsak er at det offentlege har tilgang på betre lånevilkår enn private selskap.

«Renten kan faktisk være både ett og to prosentpoeng høyere for private investorer som må finansiere seg i markedet, og følgelig må finansieringskostnadene bli veldig mye større. De private må så bake dette inn i sine kalkyler, som også skal inkludere en pen fortjeneste, og vi kan få så store utslag som i tilfellet med barneskolen på Røa,» meiner Hegnar.

Redaktøren viser til at differansen vil slå kraftig ut i budsjetta for dei fleste kommunar i landet, og minner om at kapitaltilgangen burde vera rikeleg:

«Nettopp i Norge har de offentlige finanser aldri vært bedre. Det det ofte er mangel på, er forståelsen av at skoler, bad og sykehus må ha investeringsmidler og driftsmidler før de ramler sammen.»

Strid om reknestykke

Høgre i Oslo har protestert mot regnestykket frå Kommunekreditt. Differansen mellom kommunal drift og OPS blir på ingen måte 115 millionar kroner, hevda gruppeleiar Bård Folke Fredriksen (H) i Oslo bystyre i eit innlegg i Dagsavisen 26. mars i år.

Kommunalkreditt har undervurdert kostnadene ved å kjøpa tomta frå Veidekke, som no står for utbygginga, med 25 millionar kroner, skreiv Fredriksen. «For det andre forutsettes det en rente på 4 prosent i 25 år, noe historien viser er helt urealistisk», legg han til. Fredriksen nekta likevel ikkje for at det finst ein rentedifferanse mellom kommunale og private lån.

SVs bystyrerepresentant Ivar Johansen svarte Fredriksen med at «det underlige er jo at Høyre og byrådet faktisk ikke har tatt seg bryet med å legge fram noe regnestykke i det hele tatt».

Det er ikkje kvar dag at redaktør Trygve Hegnar i Finansavisen seier noko negativt om privatisering. Det er heller ikkje kvar dag han seier noko positivt om Jan Davidsen, leiar for Noregs største fagorganisasjon Fagforbundet. Men på leiarplass i Finansavisen i går skjedde det.

«Vi synes, for en gangs skyld, at Davidsen har et poeng,» skriv Hegnar.

Davidsen hevda i Klassekampen tysdag at «Offentleg Privat Samarbeid er eit tiltak for at private kapitalinteresser skal få mjølka offentlege budsjett». Ved Offentleg Privat Samarbeid (OPS) får private selskap byggja og driva offentlege anlegg, som kommunen eller staten leiger tilbake.

- Store utslag
Kommunekreditt AS har rekna ut at OPS-utbygginga av Røa skule i Oslo kan bli over 100 millionar kroner dyrare over 25 år enn om kommunen hadde eigd bygget sjølv. Ein viktig årsak er at det offentlege har tilgang på betre lånevilkår enn private selskap.

«Renten kan faktisk være både ett og to prosentpoeng høyere for private investorer som må finansiere seg i markedet, og følgelig må finansieringskostnadene bli veldig mye større. De private må så bake dette inn i sine kalkyler, som også skal inkludere en pen fortjeneste, og vi kan få så store utslag som i tilfellet med barneskolen på Røa,» meiner Hegnar.

Redaktøren viser til at differansen vil slå kraftig ut i budsjetta for dei fleste kommunar i landet, og minner om at kapitaltilgangen burde vera rikeleg:

«Nettopp i Norge har de offentlige finanser aldri vært bedre. Det det ofte er mangel på, er forståelsen av at skoler, bad og sykehus må ha investeringsmidler og driftsmidler før de ramler sammen.»

Strid om reknestykke
Høgre i Oslo har protestert mot regnestykket frå Kommunekreditt. Differansen mellom kommunal drift og OPS blir på ingen måte 115 millionar kroner, hevda gruppeleiar Bård Folke Fredriksen (H) i Oslo bystyre i eit innlegg i Dagsavisen 26. mars i år.

Kommunalkreditt har undervurdert kostnadene ved å kjøpa tomta frå Veidekke, som no står for utbygginga, med 25 millionar kroner, skreiv Fredriksen. «For det andre forutsettes det en rente på 4 prosent i 25 år, noe historien viser er helt urealistisk», legg han til. Fredriksen nekta likevel ikkje for at det finst ein rentedifferanse mellom kommunale og private lån.

SVs bystyrerepresentant Ivar Johansen svarte Fredriksen med at «det underlige er jo at Høyre og byrådet faktisk ikke har tatt seg bryet med å legge fram noe regnestykke i det hele tatt».